Skip to content

Skip to table of contents

Olombangi Via Yehova

Select language Umbundu

 ONEPA 5

Etande Linene—Helie wa Yevelela? Helie ka Tavele Oku Yevelela?

Etande Linene—Helie wa Yevelela? Helie ka Tavele Oku Yevelela?

Omanu valua koloneke via Noha, va enda oku linga ovina vĩvi.​—Efetikilo 6:5

Adama la Heva va cita omãla, kuenje voluali mue yuka omanu. Vokuenda kuotembo, ovangelo vamue va likongela kesino lia Satana.

Ovo veya palo posi, kuenje va lipongolola vatimba ositu oco va likuele lomãla vomanu vakãi. Akãi vaco va cita omãla valume ovindululu va kala olongangala, haivo va pama calua.

Noke, voluali mue yuka omanu va linga lika ovina vĩvi. Embimbiliya li popia okuti “ũvi womanu wa lova kilu lieve, lovisimĩlo viosi vi simaiwa vovitima viavo via vĩha ño oloneke viosi.”

 Noha wa yevelela Suku, kuenje wa tunga ocimbaluku.​—Efetikilo 6:13, 14, 18, 19, 22

Noha wa kala omunu umue uwa. Yehova wa sapuila Noha hati, o ka nyola olondingaĩvi viosi letande limue linene.

Suku wa sapuilavo Noha oco a tunge ocimbaluku cimue cinene, loku kapamo epata liaye kuenda apata osi ovinyama.

Noha wa lungula omanu catiamẽla kokuiya Kuetande, pole, ka va tavele oku yevelela kondaka yaye. Vamue vo yola epembe; vakuavo vo suvukile.

Eci Noha a mala oku tunga ocimbaluku, wa iñisamo ovinyama.