Skip to content

Olombangi Via Yehova

Select language Umbundu

O Tenda Ndati Oloneke vi Keya Kovaso?

O Tenda Ndati Oloneke vi Keya Kovaso?

Anga hẽ oluali lulo . . .

  • ka lu ka pongoloka?

  • ovitangi vi ka li vokiya?

  • mu ka kala ekalo liwa?

 CECI EMBIMBILIYA LI POPIA

“Suku . . . o ka puenya asuelẽla osi vovaso omanu. Oku fa ka ku ka kalako vali, ndaño oku lila loku liyula lupongo laviovo ka vi ka kalako vali. Momo ovina viatete vi ka pita.”​—Esituluilo 21:3, 4, NW.

CECI OHUMINYO EYI YI LOMBOLOKA KOKUOVE

Upange u nena esanju liocili.​—Isaya 65:21-23.

Ka ku ka kala vali oku vela, ale ohali.​—Isaya 25:8; 33:24.

Oku kuata esanju ka li pui lepata kuenda akamba.​—Osamo 37:11, 29.

 TU TAVA HẼ KOVINA EMBIMBILIYA LI POPIA?

Tu tava omo liasunga avali a kuãimo ndeci:

  • Suku o pondola oku tẽlisa ohuminyo yaye. Vembimbiliya Yehova Suku eye lika o tukuiwa hati, “Tõlo,” kuenda unene waye ka u sokisiwa. (Esituluilo 15:3) Omo liaco, Yehova o ka tẽlisa ohuminyo yoku pongolola oluali lulo, oco mu kale ekalo liwa. Eli olio esunga lieci Embimbiliya li popela hati: “Yehova Suku o pondola oku tẽlisa ovina viosi.”​—Mateo 19:26.

  • Suku o kuete onjongole yoku tẽlisa ohuminyo yaye. Yehova “o yongola” oku pindula omanu va fa.​—Yovi 14:14, 15.

Embimbiliya li lekisa okuti, Yesu Omõla wa Suku, wa sakula olombei. Momo lie a ci lingila? Momo wa kuatela ohenda omanu. (Marko 1:40, 41) Yesu wa kuama ongangu yalipua ya Isiaye yoku kuatisa omanu va tala ohali.​—Yoano 14:9.

Omo liaco, tua kolela okuti Yehova la Yesu va yongola oku tu kuatisa oco tu kuate esanju ka li pui kovaso yoloneke!​—Osamo 72:12-14; 145:16; 2 Petulu 3:9.

 SOKOLOLA EPULILO ELI

Suku o ka pongolola ndati oluali lulo oco mu kale ekalo liwa?

Embimbiliya li tambulula epulilo eli kelivulu lia MATEO 6:9, 10, kuenda DANIELE 2:44.