Skip to content

Olombangi Via Yehova

Select language Umbundu

Anga hẽ Ohali yi ka Pua?

Anga hẽ Ohali yi ka Pua?

O pondola hẽ oku popia hati . . .

  • yi ka pua?

  • ka yi ka pua?

  • pamue yi ka pua?

 CECI EMBIMBILIYA LI POPIA

“Suku . . . o ka puenya asuelẽla osi vovaso omanu. Oku fa ka ku ka kalako vali, ndaño oku lila loku liyula lupongo laviovo ka vi ka kalako vali. Momo ovina viatete vi ka pita.”Esituluilo 21:3, 4, NW.

CECI OHUMINYO EYI YI LOMBOLOKA KOKUOVE

Ivaluka okuti, Suku hayeko wa siata oku tu kokela ovitangi.Tiago 1:13.

Tu sanjuka calua poku limbuka okuti, Suku wa kũlĩha evalo lietu eci tu liyaka lovitangi.Sakariya 2:8.

Ivaluka okuti, ohali yosi yi ka puako.Osamo 37:9-11.

 TU TAVA HẼ KOVINA EMBIMBILIYA LI POPIA?

Tu tava omo liasunga avali a kuãimo ndeci:

  • Suku o nyãle ungangala. Kũlĩhĩsa esumuo Yehova Suku a kuata, eci afendeli vaye kosimbu va talisiwa ohali. Embimbiliya li popia hati, Yehova wa sumuile calua omo liafendeli vaye “va talisiwa ohali.”Olonganji 2:18.

    Koloneke vilo, Yehova Suku wa siatavo oku sumua omo lia vana va siata oku talisa ohali vakuavo. Embimbiliya li popia hati, Yehova o “nyãle vana va pesela osonde yomanu ka va kuete eko.”Olosapo 6:16, 17.

  • Suku wa kapako omanu vosi. Omunu hayeko lika wa “kũlĩha ovitangi a liyaka lavio kuenda evalo liaye,” pole, Yehova o vi lete!2 Asapulo 6:29, 30.

Yehova lekuatiso liusoma waye, o ka malako ovitangi omanu va siata oku liyaka lavio. (Mateo 6:9, 10) Ndopo Yehova o ka lembeleka omanu vana vo kolela.Ovilinga 17:27; 2 Va Korindo 1:3, 4.

 SOKOLOLA EPULILO ELI

Momo lie Suku a kasilili oku ecelela ohali?

Embimbiliya li tambulula epulilo eli kelivulu lia VA ROMA 5:12, kuenda 2 PETULU 3:9.