Skip to content

Olombangi Via Yehova

Select language Umbundu

Omanu va fa va pondola oku kuata vali omuenyo?

Omanu va fa va pondola oku kuata vali omuenyo?

O pondola hẽ oku popia hati . . .

  • va ka kuata?

  • ka va ka kuata?

  • pamue va ka kuata?

 CECI EMBIMBILIYA LI POPIA

‘Ku ka kala epinduko liomanu va fa.’—Ovilinga 24:15.

CECI OHUMINYO EYI YI LOMBOLOKA KOKUOVE

Elembeleko komunu wa fisa ukuepata liaye.—2 Va Korindo 1:3, 4.

Oku yovoka kusumba womanu va fa.—Va Heveru 2:15.

Elavoko lioku lisanga la vakuepata lietu va fa li ka tẽlisiwa.—Yoano 5:28, 29..

 TU TAVA HẼ KOVINA EMBIMBILIYA LI POPIA?

Tu tava omo liasunga atatu a kuãimo ndeci:

  • Suku eye Ululiki womuenyo. Embimbiliya li popia hati, Yehova Suku eye “ono yomuenyo.” (Osamo 36:9; Ovilinga 17:24, 25) Omo okuti Yehova eye wa eca omuenyo kovina viosi vi kasi voluali, o pondola oku pindula omanu va fa.

  • Yehova wa pindula omanu kosimbu. Embimbiliya li tukula omanu ecelãla va pinduiwa palo posi ndeci: Amalẽhe, akulu, alume, kuenda akãi. Vamue noke yoku fa ka va pitile otembo yalua, kuenje va pinduiwa. Pole, umue pokati kavo noke yoku fa wa kala oloneke vikuãla veyambo!—Yoano 11:39-44.

  • Yehova o yongola oku pindula vali omanu va fa. Yehova o nyãle olofa, kuenda o vi tenda ndunyãli. (1 Va Korindo 15:26) Eye ‘o ka malako’ olofa poku pindula omanu va fa. Yehova o ka nena komuenyo omanu vana a yongola oku pindula oco va kale vali lomuenyo palo posi.—Yovi 14:14, 15.

 SOKOLOLA EPULILO ELI

Momo lie tu kukila kuenda tu fila?

Embimbiliya li tambulula epulilo eli kelivulu LIEFETIKILO 3:17-19, kuenda VA ROMA 5:12.