Skip to content

Skip to table of contents

Olombangi Via Yehova

Select language Umbundu

 OCIPAMA 4

Yesu Kristu Helie?

Yesu Kristu Helie?

1. Omuenyo wa Yesu wa fetika ndati?

Ovituwa vipi via lingisa Yesu oku kala omunu umue wa sunguluka?MATEO 11:29; MARKO 10:13-16.

Ca litepa lomanu vakuavo ceci okuti, Yesu osimbu ka citiwile palo posi wa kala ale kilu letimba liespiritu. (Yoano 8:23) Yesu eye ociluvo catete ca Suku, kuenda wa kuatisa koku lulika ovina viosi vikuavo. Omo okuti Yesu eye lika ociluvo Yehova a lulika lika liaye, wa tukuiwa hati, Omõla wa Suku “wongunga.” (Yoano 1:14) Eye wa kala Kapitiya ka Suku, kuenje wa tukuiwa hati, “Ndaka.”Tanga Olosapo 8:22, 23, 30; Va Kolosai 1:15, 16.

2. Momo lie Yesu eyilile palo posi?

Suku wa tumĩle Omõlaye palo posi poku sondoluila omuenyo waye vimo liufeko umue u Yudea o tukuiwa hati, Maria. Omo liaco ka kuatele Isia ukuasitu. (Luka 1:30-35) Yesu weyilile palo posi oco (1) a tu longise ocili catiamẽla ku Suku, (2) oku tu sila ongangu ndomo tu linga ocipango ca Suku ndaño ceci tu liyaka lovitangi, kuenda (3) oku eca omuenyo waye we lipua “ndocisembi.”Tanga Mateo 20:28.

3. Momo lie tu sukilila ocisembi?

Ocisembi ci lomboloka ofeto yimue yeciwa yoku yovola omunu umue kolofa. (Etundilo 21:29, 30) Vocipango catete ca Suku catiamẽla komanu, ka mua kongelele olofa kuenda oku kuka. Tua ci kũlĩha ndati? Suku wa sapuila ulume watete Adama okuti, nda wa linga eci Embimbiliya li tukula okuti “ekandu,” o fa. Omo liaco, nda Adama ka lingile ekandu, nda wa amamako lomuenyo. (Efetikilo 2:16, 17; 5:5) Ndomo ca lekisiwa Vembimbiliya, oku fa, kua “iñila” voluali omo lia Adama. Adama wa sila ocitumbulukila caye ekandu kuenda onima yaco, oku fa. Omo liaco, tu sukila ocisembi oco ci tu yovole koku fa tua piñala ku Adama.Tanga Va Roma 5:12; 6:23.

Helie nda wa tẽla oku feta ocisembi oco tu yovuiwe kolofa? Eci tu fa, tu feta onima yi tunda kekandu lietu muẽle. Pokati komanu ka va li puile, lomue o tẽla oku yovola vakuavo kekandu.Tanga Osamo 49:7-9.

4. Momo lie Yesu a fila?

Ca litepa letu ceci okuti, Yesu wa lipuile. Omo liaco, ka file omo liakandu aye, kuenda lalimue eteke a lingile ekandu. Pole, wa fila akandu a vakuavo. Suku omo liocisola calua a kuetele omanu, wa tuma Omõlaye oco a tu file. Yesu wa lekisavo ocisola kokuetu, poku pokola ku Isiaye, loku eca omuenyo waye omo liakandu etu.Tanga Yoano 3:16; Va Roma 5:18, 19.

5. Nye Yesu a kasi oku linga cilo?

Yesu eci a kala palo posi, wa sakula olombei, wa pindula ava va fa, kuenda wa teyuila omanu kohele. Eye wa lekisa eci a ka lingila omanu vakuepokolo kotembo yo kovaso. (Mateo 15:30, 31; Yoano 5:28) Noke yoku fa, Suku wo pindula letimba liespiritu. (1 Petulu 3:18) Kuenje wa talamẽla kondio ya Suku, toke eci Yehova o wĩha unene woku linga Osoma yo kilu lieve. (Va Heveru. 10:12, 13) Cilo o kasi oku viala kilu Ndosoma, kuenda oloñame viaye palo posi vi kasi oku kunda olondaka viwa kolonepa viosi violuali.Tanga Daniele 7:13, 14; Mateo 24:14.

Ndopo, Yesu o ka lekisa unene waye Wusoma, oco a mãleko ohali yosi kuenda oku kundula vana va siata oku nena ohali yaco. Vosi vana va kolela Yesu haivo va pokola kokuaye, va ka kuata omuenyo wesanju voluali luokaliye palo posi.Tanga Osamo 37:9-11.