Skip to content

Skip to table of contents

Olombangi Via Yehova

Select language Umbundu

 OCIPAMA 12

O Pondola Oku Kuata Ndati Ukamba la Suku?

O Pondola Oku Kuata Ndati Ukamba la Suku?

1. Anga hẽ Suku o yevelela olohutililo viosi?

Suku o laleka omanu vo kolofeka viosi oco vamẽle kokuaye vohutililo. (Osamo 65:2) Pole, eye ka yevelela ale oku tambulula olohutililo viosi. Olohutililo viulume una o tata lãvi ukãi waye, Suku ka vi yevelela. (1 Petulu 3:7) Va Isareli eci va enda oku linga ovina vĩvi, Suku ka tavele oku yevelela olohutililo viavo. Ocili okuti, ohutililo esumũlũho liocili. Omo liaco, Suku o tava olohutililo viomanu, ndaño muẽle via vana va lingaile akandu anene okuti va likekembela.—Tanga Isaya 1:15; 55:7.

2. Tu likutilila ndati?

Omo okuti ohutililo yatiamẽlavo kefendelo lietu, tu sukila lika oku likutilila ku Yehova, Ululiki wetu. (Mateo 4:10; 6:9) Handi vali, omo okuti ka tua lipuile tu sukila oku likutilila vonduko ya Yesu, momo wa fila akandu etu. (Yoano 14:6) Yehova ka yongola okuti tu patekela olondaka violohutililo vietu ale tu vi soneha vopapelo. Pole, o yongola okuti tu likutilila lutima wetu wosi.Tanga Mateo 6:7; Va Filipoi 4:6, 7.

Yehova o pondolavo oku yevelela olohutililo vi lingiwila ño vutima. (1 Samuele 1:12, 13) Eye o tu laleka oco tu likutilile kokuaye apuluvi osi ndeci, komẽle, kekumbi, kowola yokulia, kuenda eci tu liyaka lovitangi.Tanga Osamo 55:22; Mateo 15:36.

3. Momo lie Akristão va sukilila oku liongolola?

Oku kuata ukamba la Suku ka ca lelukile, momo tu kasi pokati komanu ka va kolelele Suku haivo va sepula ohuminyo yaye yoku nena ombembua palo posi. (2 Timoteo 3:1, 4; 2 Petulu 3:3, 13) Omo liaco, tu sukila ongongela ya vamanji kuenda ovo va sukilavo ekuatiso lietu.Tanga Va Heveru 10:24, 25.

Oku kala kumosi la vana va sole Suku, ci tu kuatisa oku kuata ukamba uwa la Suku. Olohongele Violombangi Via Yehova, vi eca epuluvi lioku kolisiwa lekolelo lia vakuetu.Tanga Va Roma 1:11, 12.

4. O pondola oku kuata ndati ukamba la Suku?

O pondola oku kuata ukamba la Yehova poku sokolola ovina o lilongisa Vondaka Yaye. Kũlĩhĩsa ovilinga viaye, lolonumbi, kuenda olohuminyo viaye. Oku likutilila kuenda oku sokolola lutate, ci tu kuatisa oku kuata elomboloko liocisola ca Suku kuenda olondunge viaye.Tanga Yehosua 1:8; Osamo 1:1-3.

Ove o pondola oku kuata ukamba la Suku nda wo kolela lutima wosi. Pole, ekolelo li sokisiwa locina cimue ci kasi lomuenyo okuti ci sukila oku ci tekula. Ekolelo liove o sukila oku li pamisa olonjanja viosi poku sokolola kesunga lieci o tavela kovina wa siata oku lilongisa.Tanga Mateo 4:4; Va Heveru 11:1, 6.

5. Oku kuata ukamba la Suku ci ku kuatisa ndati?

Yehova o tata vana va lekisa ocisola kokuaye. Eye o va teyuila kovina vi pondola oku nyõla ekolelo liavo, kuenda elavoko liavo liomuenyo ko pui. (Osamo 91:1, 2, 7-10) Eye o tu lungula kovina vi kapa kohele uhayele wetu kuenda esanju lietu. Yehova o tu longisa ndomo tu kuata omuenyo uwa.Tanga Osamo 73:27, 28; Tiago 4:4, 8.