Skip to content

Skip to table of contents

Olombangi Via Yehova

Select language Umbundu

Esapulo 95: Ndomo Yesu a Longasaile

Esapulo 95: Ndomo Yesu a Longasaile

ETEKE limue Yesu wa sapuila ulume umue okuti, eye wa sukilile oku sola vakuavo. Ulume waco wa pulisa Yesu hati: Vakuetu vaco velie? Yesu wa kũlĩhĩle eci ulume a kala loku sima. Ulume wa kala oku sima okuti vakuavo, omanu vana vakuekova liaye ale vakuetavo liaye. Tu konomuisi eci Yesu o sapuila.

Olonjanja vimue, Yesu wa longaisa loku ta alusapo. Eci oco a kasi loku linga cilo. Eye wo sapuila olusapo lualume vavali, umue u Yudea ukuavo u Samaria. Tua lilongisile ale okuti va Yudea ka va solaile va Samaria. Olusapo luaco luolu:

Eteke limue ulume umue wa kala oku lokila ko Yeriko. Eye wa kuatiwa lovingumba. Vonyana olombongo viaye, kuenje vio sia lokamuenyo kimbanda.

Noke, ocitunda cimue ca kala oku pita vonjila yaco. Eye wa pita ombamba. Nye ove o sima okuti oco eye a linga? Eye wa vanja konele yikuavo kuenje wa enda lonjila yaye. Noke kua pita ulume ukuavo, u Lewi. Anga hẽ eye wa talama? Sio, ka talamele kuenda ka kuatisile ulume wa vetiwa. Tu lete palo ocitunda kuenda u Lewi va molehẽla ocipãla, ovo va yapukila kumue kuiñi.

Kaliye tala helie okasi lulume wa vetiwa. Ulume waco u Samaria. Eye okasi loku kuatisa ulume u Yudea. Eye okasi loku u kapa ovihemba kapute vaye. Noke wo tuala konjo yolongende oco a tatiwe.

U Samaria wa lekisa ohenda

Eci a mala olusapo, Yesu wa pulisa ulume waco hati: ‘Helie pokati kalume vatatu osima okuti eye wa linga eci ciwa kulume wa vetiwa? Una ocitunda ale u Lewi ale u Samaria?

Ulume wa kumbulula hati: ‘Ulume u Samaria. Eye wa linga eci ciwa kulume wa vetiwa.’

Yesu wa popia laye hati: ‘Oco muẽle. Kuende ka lingaingevo ndoco.’

Anga hẽ ku sanjukila ndomo Yesu a longasaile? Tu ka lilongisa vali ovina vialua, nda tua pokola kueci Yesu a popia Vembimbiliya.

Luka 10:25-37.



Apulilo

  • Nye ulume umue a pulisile Yesu? Kuenda momo lie?
  • Yesu olonjanja vimue poku longisa wa enda oku linga nye? Kuenda nye tu lilongisila kulume u Yudea kuenda u Samaria?
  • Volusapo Yesu a sapula, nye ca pita lulume u Yudea eci a kala vonjila yo ko Yeriko?
  • Eci ocitunda ca va Yudea kuenda ulume u Lewi va pita vonjila yaco nye ka va lingile?
  • Ndomo ci moleha vociluvialuvia helie wa kuatisa ulume u Yudea wa lemehĩwile?
  • Eci Yesu a malusula olusapo luaye nye a pulisa kulume? Kuenda eye wa tambulula ndati?

Apulilo akuavo

  • Tanga Luka 10:25-37.

    Ndaño okuti ulongisi Wovihandeleko wa tambulula ciwa, Yesu wo kuatisa ndati oku limbuka esunga liolusapo luaye? (Luka 10:26; Mat. 16:13-16)

    Yesu poku ta alusapo wa kuatisa ndati olonjeveleli viaye oku yula ovisimĩlo vĩvi? (Luka 10:36, 37; 18:9-14; Tito 1:9)