Skip to content

Skip to table of contents

Olombangi Via Yehova

Select language Umbundu

Onepa 3: Tunde Koku Yovuiwa Kua va Isareli Kegito Toke Kosoma Yavo Yatete

Onepa 3: Tunde Koku Yovuiwa Kua va Isareli Kegito Toke Kosoma Yavo Yatete

Mose wa songuila va Isareli oku tunda Kegito toke Komunda Sinai. Komunda yaco oko Suku a ecela ovihandeleko kokuavo. Noke Mose wa tuma eci ci soka ekũi kalume kalume vavali oco va ka kũlĩhise ofeka ya Kanana. Pole ci soka ekuĩ pokati kalume vaco va nena ulandu umue ũvi. Omo liulandu waco ũvi, va Isareli va fetika oku kuata onjongole yoku tiukila Kegito. Ovo ka va kuatele ekolelo ku Suku. Omo liaco, Yehova wa va kangisa poku ecelela okuti va pita eci ci soka 40 kanyamo vekalasoko.

Noke Yehova wa nõla Yehosua oco a songuile va Isareli vofeka yo Kanana. Oco va kuatisiwe poku tambula ofeka yaco, Yehova wa linga ovikomo vialua. Yehova wa talamisa ovava Ovolui Yordão, wa kupula ovimbaka viofeka yo Yeriko. Kuenda, wa talamisavo ekumbi vokuenda kueteke liosi. Noke lianyamo epandu, va Isareli va tambula ofeka ya Kanana.

Oku fetikila ku Yehosua, va Isareli va vialiwile lolonganji eci ci soka 356 kanyamo. Etu tu pondola oku lilongisa eci catiamẽla kolonganji viaco oku pisa ku Baraka, Gideone, Yefita, Samisone kuenda Samuele. Tu pondolavo oku lilongisa eci catiamẽla kakãi vamue ndeci, Rahava, Devora, Yaele, Ruti, Naomi kuenda Delila. Onepa eyi YATATU yi lombolola ulandu wa pita vokuenda kueci ci soka 396 kanyamo watiamẽla komanu vaco.

O tavernakulu