Skip to content

Skip to table of contents

Olombangi Via Yehova

Select language Umbundu

 ESAPULO 17

Omãla Volonjamba Okuti ka va Lisetãhalele

Omãla Volonjamba Okuti ka va Lisetãhalele

OMÃLA va kasi ndeti palo, va litepa calua. Ove hẽ wa kũlĩha olonduko viavo? Olonduko viavo Esau kuenda Yakoba. Esau wa kala enyanga pole Yakoba wa kala ungombo wolomeme.

Esau la Yakoba, va kala omãla va Isake kuenda Rebeka. Isake wa solele calua Esau momo wa enda loku nena okulia konjo. Pole Rebeka wa solele Yakoba momo eye wa kala omunu umue womboka haeye ukuambembua.

Otembo yaco kukululu yavo Avirahama handi wa kala lomuenyo. Kuenje Yakoba wa solaile calua oku yevelela Avirahama eci a vangula ovina viatiamẽla ku Yehova. Noke Avirahama wa tẽlisa eci ci soka 175 kanyamo kuenje wa fa. Otembo yaco olonjamba evi vi kuatele ale eci ci soka 15 kanyamo.

Eci Esau a tẽlisa 40 kanyamo, wa kuela akãi vavali va Kanana. Olohuela viaco via sumuisile calua Isake la Rebeka omo okuti akãi vaco ka va endaile oku fendela Yehova.

Eteke limue Esau wa temẽle calua la manjaye Yakoba. Isake wa yonguile oku eca esumũlũho komõlaye uveli. Omo okuti Esau eye wa kala ukulu la Yakoba, eye wa kala oku lavoka esumũlũho liaco. Pole otembo yaco, Esau wa landisile ale ku Yakoba omoko yaye yoku tambula esumũlũho. Handi vali, osimbu va kala amalẽhe Suku wa popele okuti Yakoba oka tambula esumũlũho. Kuenje haico ca lingiwa. Isake wa eca esumũlũho komõlaye Yakoba.

Eci Esau a limbuka okuti esumũlũho liaye lia eciwa ku manjaye Yakoba, wa temẽle calua kuenje wa yonguile oku ponda manjaye. Eci Rebeka a ci yeva, wa kuata usumba. Handi vali, wa sapuila ulume waye Isake hati: ‘Yakoba nda o kuelavo ukãi u Kanana ci ndi sumuisa calua.’

Noke Isake wa vilikiya omõlaye Yakoba kuenje wo sapuila hati: ‘Ku ka kuele ukãi u Kanana. Kuende ko Harane, konjo ya Sekulu Betuele, oko o ka kuela ukãi komãla va nyohonu yove Lavane.’

Yakoba wa pokola kondaka ya Isiaye kuenje wa enda kepata liaye ko Harane..

Efetikilo 25:5-11, 20-34; 26:34, 35; 27:1-46; 28:1-5; Va Heveru 12:16, 17.

Study Questions