Skip to content

Skip to table of contents

Olombangi Via Yehova

Select language Umbundu

 ESAPULO 5

Efetikilo Liomuenyo Umue wa Tĩla

Efetikilo Liomuenyo Umue wa Tĩla

ECI Adama la Heva va tundisiwa vocumbo Cedene, va fetika oku liyaka lovitangi vialua. Ovo va fetika oku talavaya calua oco va sange eteku. Vovapia avo ka mua kaile vali oviti viapako awa pole mua fetika oku tundila olosongo locambanda. Eci oco ca pita la Adama kuenda Heva eci va lueya ocihandeleko ca Suku. Ovo ka va kaile vali akamba Vaye.

Handi vali, eci Adama la Heva va lueyela Suku, va fetika oku kuata elavoko lioku fa. Suku wa va sapuilile okuti eteke valia kepako liaco, haico va fa. Ocili okuti, eteke ovo valia kepako liaco, haico muẽle va fetika oku fa. Poku tomba ocihandeleko ca Suku va linga uveke wocili!

Adama la Heva va fetika oku cita omãla eci Suku a va tundisa vocumbo. Omo liaco, omãla vavo va kula lelavoko lioku kuka kuenda oku fa.

Adama la Heva nda va pokuile ku Yehova, omuenyo wavo lowu womãla vavo nda wa amamako lesanju. Ovo nda va kala voluali lesanju otembo ka yi pui. Nda ka kuli oku kuka, loku vela ndaño oku fa.

Suku o yongola okuti omanu va kuata vali esanju otembo ka yi pui. Eye wa likuminya oku cilinga. Oluali lu ka pongoloka ofeka yelau kuenje omanu va ka kuatavo uhayele wa lipua. Omanu va ka likuatela ukamba uwa pokati kumosi la Suku.

Heva ka kuatele ukamba uwa la Suku otembo ya lua. Eci eye a fetika oku cita omãla, ka ca lelukile kokuaye. Eye wa kuata olongembia vialua. Omo lioku lueya ocihandeleko ca Yehova, ocili okuti wa liyaka lovitangi vialua. Ove hẽ, ku tava kondaka eyi?

Adama la Heva va kuata omãla valume kuenda omãla vakãi. Eci va cita omõla wavo watete ulume, voluka Kaini. Omõla wavo wavali voluka Havele. Ove hẽ wa kũlĩha eci ca pita lomãla vaco?

Efetikilo 3:16-23; 4:1, 2; Esituluilo 21:3, 4.

Study Questions