Skip to content

Skip to table of contents

Olombangi Via Yehova

Select language Umbundu

 ESAPULO 2

Ocumbo Cimue Ceposo

Ocumbo Cimue Ceposo

TALA ongongo ndomo yi kasi palo! Ocili okuti ovina viosi vi kasimo via posoka! Tala ño owangu loviti, olonelẽho kuenda ovinyama ndomo vi kasi. O tẽla hẽ oku limbuka onjamba lohosi?

Ocumbo ca posoka ndeti, ca tunda pi? Tu konomuisi ndomo Suku a tu lulikila ongongo. Suku wa lulika owangu oco u tundile vongongo. Eye wa lulikavo olombuto viosi viovikũla vitito kuenda oviti. Ovikũla viaco ovio via posuisa ongongo. Pole ovikũla viaco, ka vi posuisa lika ongongo. Vialua pokati kovikũla viaco, vi eca okulia ku pepa.

Noke Suku wa lulika olõsi vio vovava kuenda olonjila vi palãla vilu. Eye wa lulika ovinyama ndeci, olombua, olongato, olokavalu. Wa lulikavo ovinyama vinene kuenda ovinyama vitito. Pokati kovinyama evi, ovinyama vipi vi kasi ocipepi lonjo yove? Anga hẽ ka tu pondola oku kuata esanju omo liovina evi Suku a tu lulikila?

Oku sulako, Suku wa pongiya onepa yimue yongongo kuenje wa yi finisa. Onepa yaco wa yi luka hati, ocumbo Cedene. Ca kala ocumbo cimue ca lipua. Ovina viosi via kalamo, via posokele calua. Suku wa yonguile okuti ongongo yosi yi posoka ndocumbo cina eye a lulikile.

Tala vali ocumbo ceposo vociluvialuvia cilo. Suku wa limbukile okuti vocumbo caco mua kambele ocina cimue. Ove hẽ wa kũlĩha ocina caco ca kambelemo? Tu ci konomuisi.

Efetikilo 1:11-25; 2:8, 9.

Study Questions