Skip to content

Skip to table of contents

Olombangi Via Yehova

Select language Umbundu

Prologue

Prologue

Okuakutanga wa Soliwa:

Ove hẽ o kuete ukamba uwa la Suku? Komanu valua eci ci molẽha okuti ka ci tẽliwa. Vamue va sima okuti Suku o kasi enene ocipãla. Vakuavo va litenda okuti ka va sesamẽla oku kala ekamba lia Suku. Pole, Embimbiliya locisola calua li tu vetiya hati: “Ameli ku Suku kuenje eye amela kokuene.” (Tiago 4:8) Toke muẽle Eye o kolisa afendeli vaye hati: “Ame Yehova, Suku yove, hu kuata peka liondio. Ame muẽle mopia love siti, Ku ka kuate usumba, hu kuatisa.”​—⁠Isaya 41:⁠13.

Ndamupi tu pondola oku kuata ukamba waco wocili la Suku, ndomo ca lekisiwa kilu lielivulu lilo? Ukamba wosi tu fetika lomunu umue, tu u fetikila koku kũlĩha omunu waco, loku komõha kuenda oku sola ovituwa viaye via litepa. Cimuamue haico okuti, ovituwa via Suku lolonjila viaye ndomo via lomboluiwa Vembimbiliya, vi kuete esilivilo liocili oku vi lilongisa. Oku sokolola lutate ndomo Yehova a lekisa ocituwa locituwa pokati kovituwa viaye, loku kũlĩhĩsa ndomo Yesu Kristu a lekisa ciwa ovituwa viaco, kuenda oku kuata elomboloko ndomo etu tu pondola oku kuata ovituwa viaco, cika tu kuatisa oku amẽla ku Suku. Tuka limbuka okuti Yehova eye muẽle o sesamẽla oku kuata omoko yoku kala Osoma Yinene haeye Ñala yoluali luosi. Handi vali, Eye eye Isia tu sukila vosi yetu. Ukuonene, ukuesunga, ukualondunge haeye ukuacisola, lalimue eteke a yanduluka omãla vaye vo kolela.

Elivulu lilo li pondola oku ku kuatisa oku kuata ukamba uwa la Yehova Suku, okuti lalimue eteke ukamba waco uka sulila, oco o tẽle oku u sivaya otembo ka yi pui.

Asonehi