Skip to content

Olombangi Via Yehova

Select language Umbundu

Usoma wa Suku u Lomboloka Nye?

Usoma wa Suku u Lomboloka Nye?

O pondola oku popia hati . . .

  • ocina cimue ci kasi vutima wove?

  • upopi umue wocindekaise?

  • uviali umue wokilu?

 CECI EMBIMBILIYA LI POPIA

“Suku yokilu o katula usoma, kuenje ka u nyolẽha.”Daniele 2:44.

“Omõla ulume wa tu ĩhĩwa, kuenje uviali u kala kovitãi viaye.”Isaya 9:6.

CECI CI LOMBOLOKA KOKUOVE

  • Uviali wesunga u pondola oku ku kuatisa.Isaya 48:17, 18.

  • Voluali luokaliye u laika oku iya omuenyo u ka lipua kuenda tu ka kuata esanju.Esituluilo 21:3, 4.

 TU TAVA HẼ KOVINA EMBIMBILIYA LI POPIA?

Tu tava, omo liasunga avali:

  • Yesu wa lekisa okuti Usoma wa Suku u ka tẽlisiwa. Eye, wa longisa kolondonge viaye oku likutilila oco Usoma wa Suku wiye okuti, ocipango caye ci tẽlisiwa palo posi. (Mateo 6:9, 10) Yesu wa lekisa ndomo ohutililo yaco yi ka tambuluiwa.

    Yesu eci a kala palo posi, wa tekula omanu va kala onjala, wa sakula omanu va kala oku vela kuenda wa pindula ava va fa! (Mateo 15:29-38; Yoano 11:38-44) Omo okuti Yesu eye Osoma Yusoma wa Suku, o ka lingila ovina viwa komanu vana va kuatisa Kusoma waco.Esituluilo 11:15.

  • Ovina via siata oku pita voluali vi lekisa okuti Usoma wa Suku u kasi ocipepi. Yesu wa longisa okuti osimbu Usoma wa Suku ka wa nenele ombembua palo posi, voluali tu kasi mu kala uyaki, onjala, kuenda ovilemawe.Mateo 24:3, 7.

    Koloneke vilo tua siata oku mola ovitangi viaco. Omo liaco, tu pondola oku kolela okuti, Usoma wa Suku u ka malako ovitangi viaco viosi.

 OVINA VIOKU SOKOLOLA

Omuenyo u ka kala ndati vemẽhi Liusoma wa Suku?

Embimbiliya li tambulula epulilo eli kelivulu LIOSAMO37:29,kuenda kelivululiaISAYA 65:21-23.