Skip to content

Skip to table of contents

Olombangi Via Yehova

Select language Umbundu

 ONEPA 2

Likoleli Pokati

Likoleli Pokati

“Eci Suku a tokekisa, omunu ka ka ci tepise.”—Marko 10:9

Yehova o yongola okuti tu “sola ohenda” ale oku likolela pokati. (Mika 6:8) Oku likolela pokati ku kuete esilivilo volohuela viove, momo nda ka pali ocituwa caco, olohuela ka vi kolipo. Oco ocisola ca amameko, ci sukila oku kala ukuacili.

Koloneke vilo oku likolela volohuela ka ca lelukile. Oco o teyuile olohuela viove o sukila oku linga ovina vivali.

 1 VELISAPO OLOHUELA VIOVE

CECI EMBIMBILIYA LI POPIA: “Limbuka ovina via velapo.” (Va Filipoi 1:10) Vimue pokati kovina via velapo komuenyo, olohuela viove. O sukila oku vi pitisa kovaso.

Yehova o yongola okuti o kapako ohueli yove kuenda oku “sanjukila” kumosi. (Ukundi 9:9) Eye wa lekisa okuti lalimue eteke ku ka tate leselula ohueli yove, pole sanda oku linga ovina vi u sanjuisa. (1 Va Korindo 10:24) Linga ovina vi vetiya ohueli yove oku limbuka okuti o kuete esilivilo kuenda wa kapiwako.

CECI O SUKILA OKU LINGA:

  • Sokiya otembo yoku kala pamosi lohueli yove, loku lekisa okuti wo kapo cocili

  • Yuvula oku popia hati, “ame” pole likisa oku popia hati, “etu”

 2 LAVA UTIMA WOVE

CECI EMBIMBILIYA LI POPIA: “U wa vanja ukãi ho liveli, vutima waye wo pekelisa ale.” (Mateo 5:28) Nda umue amamako oku sokolola ovina viatiamẽla kevĩho liukahonga, ka kasi oku kala ukuacili lahueli yaye.

Yehova wa popia hati, o sukila oku “lava utima wove.” (Olosapo 4:23; Yeremiya 17:9) Oco o tẽlise onumbi eyi, o sukila oku lava ovaso ove. (Mateo 5:29, 30) Kuama ongangu ya Yovi una wa linga ocisila lovaso aye okuti, lalimue eteke a vanja ukãi ukuavo lonjongole ka ya sungulukile. (Yovi 31:1) Nõlapo oku yuvula oku tala umbondo wukahonga. Kuenda yuvula oku lekisa ocisola komunu una okuti hahueli yoveko.

CECI O SUKILA OKU LINGA:

  • Lekisa komanu vosi okuti wa velisapo ohueli yove

  • Kapako olonjongole viohueli yove kuenda nyõla ukamba wosi u pondola oku sumuisa ohueli yove