Skip to content

Skip to table of contents

Olombangi Via Yehova

Select language Umbundu

Olondaka Vioku Fetika Onepa 8

Olondaka Vioku Fetika Onepa 8

Yehova wa sumũlũisa Salomone lolondunge vialua kuenda wa eca kokuaye esumũlũho lioku tunga onembele, pole, vokuenda kuotembo wa siapo Yehova. Nda ove unjali, lombolola komõlove ndomo efendelo liesanda lia yapuisa Salomone vonjila ya Suku. Usoma wa tepiwa kuenda olosoma vĩvĩ via yapuisa omanu oku kala olonanguluke kuenda oku fendela oviteka. Vokuenda kuotembo yaco, ovaprofeto valua va Yehova okuti va kala vakuekolelo va lambalaliwa kuenda va pondiwa. Nasoma Isevele wa vetiya usoma wo ko norte oku kala olonanguluke. Ya kala otembo yowelema ku va Isareli. Pole, handi kua kala afendeli valua va Yehova vakuekolelo pokati ka va Isareli, oku kongelamo Soma Yehosafata kuenda uprofeto Eliya.

IN THIS SECTION

Onembele Yimue ya Tungiwila Yehova

Suku wa tava epingilo lia Soma Salomone kuenda wa eca kokuaye asumũlũho alua.

Usoma Umue wa Tepiwa

Va Isareli valua va liwekapo oku vumba Yehova.

Oseteko Yimue ya Pita Komunda Karimele

Helie Suku yocili? Yehova ale Baale?

Yehova wa Pamisa Eliya

O sima hẽ okuti eye o pondolavo oku ku kuatisa?

Nasoma Umue Ondingaĩvi o Yambuiwa

Isevele o sokiya oku ponda ulume umue u Isareli o tukuiwa hati Navote oco a piñale ocumbo caye cayuva! Undingaĩvi waye kuenda ungangala waye wa limbukiwa la Yehova.

Yehova o Teyuila Yehosafata

Yehosafata Soma uwa wa likutilila ku Suku eci o Yuda ya ñualiwile lovanyali.