Skip to content

Skip to table of contents

Olombangi Via Yehova

Select language Umbundu

 OCIPAMA 76

Yesu o Yelisa Onembele

Yesu o Yelisa Onembele

Kotembo yonjovo yunyamo wa 30 K.K., Yesu wa enda ko Yerusalãi. Omanu valua veyile volupale kocipito co Paskoa. Omo okuti oku eca ovinyama kua pangele onepa kocipito, ovo va lumba ovinyama vonembele. Omanu vamue va enda oku nena ovinyama, pole, vakuavo va enda oku vi landa vo Yerusalãi.

Eci Yesu a enda konembele, wa mola omanu va kala oku landisilamo ovinyama. Ovo va kala oku lingila omĩlu vonjo yoku fendelela Yehova! Nye Yesu a linga? Eye wa iña osikote yimue yukolo, wa tundisa olomeme, lolongombe kosamua yonembele. Wa kupula olomesa via vakuakutolokala olombongo kuenda wa pesela ovingangu viavo posi. Yesu wa sapuila vana va kala oku landisa olopomba  hati: ‘Upi ovina evi palo! Ko ka lingi onjo ya Isiange ocitumãlo cimue colomĩlu!’

Omanu vonembele va komõha omo liovina Yesu a popia. Olondonge viaye via ivaluka ocitumasuku catiamẽla ku Mesiya ca popia hati: ‘Ndi ka yukisua lombili yonjo ya Yehova.’

Noke, kunyamo wa 33 K.K., Yesu wa yelisa onembele onjanja yavali. Eye ka ponduile oku ecelela okuti omunu umue o lekisa ekambo liesumbilo konjo ya Isiaye.

“Ka vu tẽla oku vumba Suku kuenda Ovokuasi.”—Luka 16:13