Skip to content

Skip to table of contents

Olombangi Via Yehova

Select language Umbundu

 LESSON 57

Yehova o Tuma Yeremiya Oco a Kunde

Yehova o Tuma Yeremiya Oco a Kunde

Yehova wa nõla Yeremiya oco a kale uprofeto womanu vo kofeka yo Yuda. Eye wo sapuila oco a kundile omanu kuenda oku va lungula okuti va sukila oku liwekapo oku linga ovina vĩvi. Pole, Yeremiya wa popia hati: ‘A Yehova, ame handi ndimõla. Sia kũlĩhĩle ndomo ndi popia lomanu.’ Yehova wo sapuila hati: ‘Ku ka kuate usumba. Ame ndu ku sapuila eci o ka popia. Ndu ku kuatisa.’

Yehova wa sapuila Yeremiya oco ongoluile pamosi akulu loku tetula esanga limue liotuma kovaso avo kuenda oku va sapuila hati: ‘O Yerusalãi yi laika oku nyoliwavo ndoco.’ Eci Yeremiya a linga ovina Yehova o sapuila, akulu vaco va tema calua. Ocitunda cimue o tukuiwa hati, Pasihuri wa veta Yeremiya kuenda wo kapa vovikumbi. Vokuenda kuteke wosi Yeremiya ka tẽlele oku lisenga. Keteke lia kuamamo komẽle, eci Pasihuri opa Yeremiya vovikumbi, Yeremiya wa popia hati: ‘Nda kava. Ndi liwekapo oku kunda.’ Anga hẽ eye wa liwekapo muẽle oku kunda? Sio. Yeremiya poku sokolola catiamẽla kovina viaco, wa popia hati: ‘Esapulo lia Yehova li kasi ndondalu yimue vutima wange. Si tẽla oku liwekapo oku kunda.’ Yeremiya wamamako oku lungula omanu.

Noke yoku pita anyamo amue, vo Yuda mueya oku kala Osoma yimue yokaliye. Ovitunda kuenda ovaprofeto vesanda va suvuka esapulo lia Yeremiya. Ovo va sapuila olombuale vati: ‘Omunu u o sesamẽla oku fa.’ Yeremiya wa popia hati: ‘Nda wa ndi pondi, vu ponda omunu umue ka kuete eko. Ame mopia olondaka via Yehova, si popi olondaka viange muẽle.’ Eci olombuale via ci yeva, via popia viti: ‘Omunu u ka sesamẽla oku fa.’

Yeremiya wamamako oku kunda kuenje olombuale via temele calua.  Ovio via pinga ku soma oco Yeremiya a pondiwe. Soma wa popia okuti ovo va ponduile oku linga cosi va yongola la Yeremiya. Ovo va kuata Yeremiya, kuenje vo wimba vocisimo cimue ca longa ci kuete olonata, lelavoko liokuti Yeremiya omo a fila. Kuenje Yeremiya wa fetika oku vomba volonata.

Noke kesongo kelombe o tukuiwa hati Evede-Meleke, wa sapuila soma hati: ‘Olombuale via imba Yeremiya vocisimo cimue! Nda tua ecelela okuti o kala kocitumãlo caco eye o fa.’ Soma wa tuma Evede-Meleke oco ambate 30 kalume okuti vopa Yeremiya vocisimo. Ka tu sukila hẽ oku kala nda Yeremiya okuti ka ecelele okuti cimue cu tateka oku kunda?

“Vu suvukiwa lomanu vosi vonduko yange, pole, wosi o pandikisa toke kesulilo o popeliwa.”—Mateo 10:22