Skip to content

Skip to table of contents

Olombangi Via Yehova

Select language Umbundu

 OCIPAMA 1

Suku wa Lulika Ilu Losi

Suku wa Lulika Ilu Losi

Yehova Suku eye ululiki wetu. Eye wa lulika ovina viosi ci kale evi tu lete levi ka tu lete. Osimbu Suku ka lulikile ovina tu pondola oku mola, tete wa lulika ovangelo valua. Anga hẽ ove wa kũlĩha eci ci lomboloka ovangelo? Ovangelo oviluvo vimue via lulikiwa la Yehova okuti, vi kuete etimba ndeli liaye. Etu ka tu pondola oku mola ovangelo ndeci ka tu pondola oku molavo Suku. Ungelo watete Yehova a lulika wa kala oñuatisi yaye. Ungelo waco wa kuatisa eci Yehova a lulika olombungululu, oviengele kuenda ovina vikuavo. Yimue pokati koviengele viaco, ongongo okuti ocitumãlo ca posoka tu kasi.

Yehova wa lulika ongongo oco ovinyama kuenda omanu va kalemo. Wa lulikavo ekumbi okuti lieca ocinyi vongongo. Noke wa lulika olomunda, okalunga kuenda olondui.

Nye ceya oku pita noke? Yehova wa popia hati: ‘Ndi lulika owangu, lovikũla kuenda oviti.’ Kuenje vongongo mua fetika oku molẽha apako alua a litepa, ovikũla vi liwa kuenda olonelẽho. Noke Yehova wa lulika ovinyama vialua ndeci, ovinyama vi palãla, vi liteva, vi likoka posi kuenda evi vienda. Eye wa lulika ovinyama vitito ndeci olondimba kuenda ovinyama vinene, ndeci olonjamba. Ocinyama cipi o sole vali?

Noke Yehova wa popia lungelo watete hati: “Tu luliki omunu.” Omanu va laikele oku litepa lovinyama. Ovo va ponduile oku sovola ovina vimue, oku vangula, oku yola kuenda oku likutilila.  Va ponduilevo oku tata ongongo kuenda ovinyama. Ove hẽ wa kũlĩha onduko yulume watete? Tu ci kũlĩhĩsi.

“Kefetikilo Suku wa lulika ilu losi.”—Efetikilo 1:1