Skip to content

Skip to table of contents

Olombangi Via Yehova

Select language Umbundu

 OCIPAMA 2

Suku wa Lulika Ulume Watete Lukãi Watete

Suku wa Lulika Ulume Watete Lukãi Watete

Yehova wa pongiya ocumbo cimue vocitumãlo ci tukuiwa hati, Edene. Vocumbo caco, mueyukile olonelẽho, oviti, kuenda ovinyama. Noke Suku wa lulika ulume watete Adama leve lio posi kuenda wo fuimila ofela vanyulu aye. Wa kũlĩha eci ceya oku pita? Ulume wa kuata omuenyo! Yehova wa eca ku Adama ocikele coku tata ocumbo kuenje wo sapuila oco a luke olonduko kovinyama viosi.

Yehova wa eca ku Adama ocikundi cimue ci kuete esilivilo lia velapo. Eye wa sapuila Adama hati: ‘Ci tava oku lialia koviti viosi viocumbo, te lika kuti umue u likasi owo okuti ka ci tava oku liako. Nda wa lia kepako liuti waco, haico o fa.’

Noke Yehova wa popia hati: ‘Ndi lulika oñuatisi yimue ya Adama. Yehova Suku wa pekelisa Adama otulo tualua kuenje wo upa olumati lumue oco o tungile ukãi.’ Onduko yukãi waco, Eva. Adama kumue lukãi waye va linga epata liatete. Nye Adama a yeva vutima eci a mola  ukãi waye? Adama wa sanjuka calua kuenje wa popia hati: ‘Tala eci Yehova a linga lolumati luange! Ocili okuti eye omunu ndame.’

Yehova wa sapuila Adama kuenda Eva oco va cite omãla kuenda oku yukisa ongongo. Ocipango ca Yehova ca kala okuti, ovo va talavayela kumosi lesanju koku pongolola oluali oco lu linge ocumbo ceposo, ale ocitumãlo ca fina ndeci ci kasi ocumbo Cedene. Pole, ovina ka via lingiwile ndomo via sokiyiwile. Momo lie? Tu lilongisa esunga liaco vocipama ci kuãimo..

“Una wa va lulika tunde kefetikilo wa va lulika ulume lukãi.” —Mateo 19:4