Skip to content

Skip to table of contents

Olombangi Via Yehova

Select language Umbundu

Kepĩli: Manji umue ukãi kolupale luo Alabama, Estados Unidos o kasi oku yevalisa ohundo ya ngalavaliwa ya Manji Rutherford kesulilo liunyamo wo 1930; Kondio: Kofeka yo Suisa

 ONEPA 1

Ocili Cusoma—Oku Eca Okulia Kuespiritu

Ocili Cusoma—Oku Eca Okulia Kuespiritu

 O PONDOLA oku limbuka esanju omunu o longisa Embimbiliya a lekisa, poku kakatela kelomboloko liovinimbu Viembimbiliya o tangela kumosi laye. Noke, o pula ndoco: “O tava hẽ kueci Embimbiliya li longisa okuti, tu pondola oku ka kala otembo ka yi pui Voluali Luokaliye palo posi?” Manji o kasi love o yola, kuenje o popia hati: “Ciwa, nye wa mola Vembimbiliya?” Loku komõha o puka kutue loku popia hati: “Si tava, lalimue eteke va ndi longisile ulandu ndowu!” Noke ove ivaluka okuti, volosemana via pita, eye wa popele olondaka vimuamue eci a lilongisa onjanja yatete okuti, onduko ya Suku Yehova.

Ove hẽ, wa pitile ale lulandu waco? Afendeli valua va Suku va pitile ale lulandu waco. Ovina vitito vi pondola oku tu ivaluisa ombanjaile yi komohisa yukũlĩhĩso wocili va tu ĩha! Talama loku sokolola ndoco: Ombanjaile yaco ya pitĩla ndati kokuove? Vonepa yilo, tu konomuisa epulilo eli. Poku limbuka ndomo afendeli va Suku va kasi oku kuata elomboloko liovina viespiritu, ci lekisa okuti Usoma wa Suku wocili. Vokuenda kuocita canyamo, Soma Yusoma waco, Yesu Kristu, wa siata oku linga asokiyo oco afendeli va Suku va lilongise ocili.

IN THIS SECTION

OCIPAMA 3

Yehova o Situlula Ocipango Caye

Anga hẽ Usoma wa pangele onepa kocipango ca Suku? Yesu wa situlula ndati Usoma?

OCIPAMA 4

Yehova o Kemãlisa Onduko Yaye

Nye Usoma wa siata oku linga catiamẽla konduko ya Suku? O pondola ndati oku panga onepa koku kemãlisa onduko ya Yehova?

OCIPAMA 5

Soma o Situlula Ocinyi Cusoma

Tu kuete elomboloko lia suapo liatiamẽla kueci Usoma u kisika.