Skip to content

Skip to table of contents

Olombangi Via Yehova

Select language Umbundu

Kepĩli: Epata lio Betele ko Brooklyn lia linga ocipito Conatale onjanja ya sulako kunyamo wo 1926;; Kondio: Omanu va limbuka okuti, Olombangi Via Yehova via litepa

 ONEPA 3

Olonumbi Viusoma—Oku Sandiliya Esunga Lia Suku

Olonumbi Viusoma—Oku Sandiliya Esunga Lia Suku

 OVE pamue o linga ondimbukiso leka komunu o lisungue laye. Oloneke vimue, wa limbuka okuti omunu waco wa siata oku ku mola kumue lepata liove. Eye o lingavo ondimbukiso leka, ndu a lekisa okuti o yongola oku vangula love. Eye o popia hati: “Citava hẽ okuti ndu ku linga epulilo limue? Momo lie ka vu kasilili ndomanu vakuavo?” Ove u pulavo ndoco: “Konepa yipi?” Eye o tambulula ndoco: “Siti epata liove Olombangi Via Yehova? Ene wa litepi lomanu vakuavo. Ka vu kasi ndatavo akuavo, momo ka vu pangi onepa kovipito violuali, ka vu litengi vopulitika ndaño kovoyaki. Ka vu sipi kuenda ndi sima okuti epata liove li kuete olonumbi via velapo. Momo lie ka vu kasilili ndomanu vakuavo?”

Wa kũlĩha okuti etambululo liaco li tunda kondaka yimosi yokuti: Etu tu kasi vemehi liuviali Wusoma wa Suku. Omo okuti Yesu Osoma, wa siata oku tu mioñolola olonjanja viosi. Eye o tu kuatisa oku kuama ongangu yaye oco tu litepe loluali lulo lua vĩha. Vonepa eyi tu ka limbuka ndomo Usoma wa Mesiya wa siata oku mioñolola afendeli va Suku konepa yespiritu, kovituwa, kuenda kalongiso ocisoko. Kuenje, ovina viaco vi eca esivayo ku Yehova.

IN THIS SECTION

OCIPAMA 10

Soma o Yelisa Omanu Vaye Konepa Yespiritu

Nye ca vetiya omanu oku linga ocipito Conatale, kuenda oku fendela ekulusu?

OCIPAMA 11

Oku Yelisiwa Kovituwa—ku Situlula Oku Kola Kua Suku

Olohondo violondavululi kuenda olombundi vionembele vocinjonde ca Esekiele via kuata elomboloko li likasi komanu va Suku tunde kunyamo wo 1914.

OCIPAMA 12

Va Liangiliyila Oku Vumba “Suku Yombembua”

Embimbiliya li lekisa etepiso li kasi pokati kombuanja lesokiyo liwa, pole ka li pisa ombembua. Momo lie? Etambululo liaco li kuatisa ndati Akristão koloneke vilo?