Skip to content

Skip to table of contents

Olombangi Via Yehova

Select language Umbundu

Kepĩli: Ohongele yi kasi oku lingiwa voluayela kofeka yo Londres, volupale luo Inglaterra kunyamo wo 1945 Kondio: Eteke liohongele yilikasi kofeka yo Malawi, vocifuka co Afrika, kunyamo wo 2012

 ONEPA 5

Elongiso Liusoma—Oku Pindisa Olondingupange Via Soma

Elongiso Liusoma—Oku Pindisa Olondingupange Via Soma

 LESANJU lialua o memenako poku vandekela ku manji o kasi oku linga ohundo. Eye, umalẽhe umue wo vekongelo liene okuti, o kasi oku linga onepa yaye yatete kohongele yimbo. Osimbu o yevelela ohundo yaye o sokolola epindiso li komõhisa afendeli va Suku va siata oku tambula. Ivaluka onjanja yatete a linga ohundo kuenje, o limbuka okuti wa mioñoloha! Eye wa omomako oku loñola poku kala kosikola Yupange Wakristão kuenda Kosikola Yakundi Votembo Yosi. Pole, kolosãi via pita eye lukãi waye va pindisiwa Kosikola Yakundi Vusoma. Osimbu o pandula omo liohundo manji a linga, o vanja kolonele viosi kuenda o sokolola epindiso afendeli vosi va Suku va siata oku tambula.

Embimbiliya lia tukuile otembo okuti afendeli vosi va Suku va ka “longisiwa la Yehova.” (Isa. 54:13) Tu kasi kotembo yaco. Ka tu tambula lika epindiso liaco lekuatiso lialivulu etu, pole tu kuatisiwavo lolohongele viekongelo, kolohongele vimbo, kolohongele viofeka, kuenda olosikola vikuavo vi kuete ocimãho coku tu kuatisa, oco tu liangiliyile oku tẽlisa ovikele vikuavo tu tambula vocisoko ca Yehova. Vonepa eyi tu ka konomuisa ndomo epindiso liaco li lekisa okuti Usoma wa Suku u kasi oku viala cilo.

IN THIS SECTION

OCIPAMA 16

Va Liongolola Oco va Fendele

Tu kuatisiwa ndati kolohongele vioku fendela Yehova?

OCIPAMA 17

Oku Pindisa Olondingupange Viusoma

Olosikola viakristão vipongiya ndati olondingupange Viusoma oku tẽlisa ovikele viavo?