Skip to content

Skip to table of contents

Olombangi Via Yehova

Select language Umbundu

Kepĩli: Olombanjaile via tunda kofeka yo Suisa oco vi kuatise vamanji kofeka yo Alemanya, kunyamo wo 1946; Kondio: Oku tumbuluiwa Kuonjango yimue Yusoma kofeka yo Japãu noke lio tsunami, kunyamo wo 2011

 ONEPA 6

Oku Eca Ekuatiso Kusoma—Oku Tunga Ovitumãlo Viefendelo Kuenda Oku Kuatisa Vana va Pita Lovilunga

Oku Eca Ekuatiso Kusoma—Oku Tunga Ovitumãlo Viefendelo Kuenda Oku Kuatisa Vana va Pita Lovilunga

 OVE iñila vonjango yene Yusoma kuenda ka ci leluka kokuove oku limbuka ocitumãlo caco. Olonjanja viosi wa sanjukilile ocitumãlo caco. Citava okuti, ivaluka ovolandu awa omo lioku kuatisa koku tunga ocitumãlo caco kanyamo apita. Pole, esanju liove lia livokiya omo okuti, Onjango yaco Yusoma cilo va kasi oku lingilamo upange woku eca ekuatiso. Noke yoku pita ocilunga cimue okuti andunde ovava a nyõla onepa yimue yimbo liene, lonjanga yalua Ocisoko Cakulu vo Betele ca linga eliangiliyo lioku kuatisa vana va pita locilunga caco poku va ĩha okulia, uwalo kuenda ovava. Olombanjaile via eciwa, viongotiyiwa ciwa. Vamanji va kala kulala poku iñila vonjango Yusoma oco va kuate ovina va sukila kuenda va lila omo liesanju.

Yesu wa popele hati, ondimbukiso ya velapo yomanu vaye, ocisola ci sangiwa pokati kavo. (Yoano 13:34, 35) Vonepa eyi, tu ka konomuisa ndomo Olombangi Via Yehova via siata oku lekisa ocisola cavo koku tunga kuenda oku eca ekuatiso eci kuiya ovilunga. Ocisola caco ceca uvangi wokuti tu kasi vemehi liuviali Wusoma wa Yesu.

IN THIS SECTION

OCIPAMA 18

Koku ku Tunda Olombongo vi Kuatisa Kupange Wusoma

Pi kua siata oku tunda olombongo? Va talavaya lavio ndati?

OCIPAMA 19

Upange Woku Tunga u Sivaya Yehova

Ovitumãlo viefendelo vi eca esivayo ku Suku, pole eye wa kapako ocina cikuavo ca velapo.

OCIPAMA 20

Upange Woku Kuatisa

Tua kũlĩha ndati okuti upange woku eca ekuatiso onepa yimue yupange wetu u kola ku Yehova?