نېمە ئۈچۈن ياشايمىز؟
مۇقەددەس كىتابنىڭ جاۋابى
ھاياتنىڭ مەنىسى ھەققىدە ئىنسانلار ھەرتۈرلۈك سوئاللارنى سورايدۇ. مەسىلەن: «نېمە ئۈچۈن بىز دۇنياغا كەلدۇق؟» ياكى «مەن نېمە ئۈچۈن ياشاۋاتىمەن؟» مۇقەددەس كىتاب، ھاياتنىڭ مەنىسى — ئىنسانلارنىڭ خۇدا بىلەن دوستلۇق ئورنىتىشى ئىكەنلىكىنى كۆرسىتىدۇ. مۇقەددەس كىتابتىن بەزى مۇھىم ھەقىقەتلەرنى كۆرۈپ بېقىڭ:
خۇدا بىزنىڭ ياراتقۇچىمىزدۇر. مۇقەددەس كىتاب مۇنۇ ھەقىقەت ئېنىق كۆرسىتىلگەن: ‹خۇدا بىزنى ياراتقاندۇر، بىز ئۆزىمىز ئەمەس› .— زەبۇر 100:3 ؛ ۋەھىيلەر 4:11.
خۇدا ئۆزى بىز ئىنسانلارنى ئۆز ئىچىگە ئالغان بارچە مەۋجۇداتلارنى مەقسەتلىك ياراتقان.—يەشايا 45:18.
خۇدا بىزنى روھىي ئېھتىياجلار بىلەن ياراتقان. شۇڭا بىز ھەممىمىز ھاياتنىڭ ھەقىقىي مەنىسى توغرۇلۇق بىلىشنى بەكمۇ خالايمىز (مەتتا 5:3). ياراتقۇچىمىز بىزنىڭ روھىي ئېھتىياجىمىزنى قانائەت تاپقۇزۇشىمىزنى خالايدۇ.—زەبۇر 145:16.
روھىي ئېھتىياجلىرىمىزنى قانائەت تاپقۇزماقچى بولساق، بىز خۇدا بىلەن يېقىن دوستلۇق مۇناسىۋەت ئورنىتىشىمىز كېرەك. گەرچە بەزىلەرگە خۇدا بىلەن دوست بولۇش مۇمكىن بولمايدىغان ئىشتەك تۇيۇلسىمۇ، مۇقەددەس كىتاب: «خۇداغا يېقىنلىشىڭلار، شۇندىلا ئۇ ھەم سىلەرگە يېقىنلىشىدۇ»،— دەپ، بىزنى ياراتقۇچى بىلەن دوست بولۇشقا دەۋەت قىلىدۇ.—ياقۇپ 4:8؛ 2:23.
ياراتقۇچىنىڭ دوستى بولۇش ئۈچۈن ئۇنىڭ بىز ئۈچۈن نېمىنى ئىرادە قىلغانلىقىنى بىلىشىمىز ۋە ئۇنىڭ ئىرادىسىگە ماس ھايات كەچۈرۈشىمىز كېرەك. ۋەز 12:13-ئايەت ئۇنىڭ ئىرادىسى ھەققىدە مۇنداق دەيدۇ: «ھەق خۇدادىن قورققىن ۋە ئۇنىڭ بۇيرۇقلىرىغا ئەمەل قىلغىن. چۈنكى، ئىنساننىڭ بارچە مەجبۇرىيىتى بۇدۇر».
كېلەچەكتە خۇدا بارچە ئازاب-ئوقۇبەتلەرنى يوق قىلغاندا ۋە ئۇ دوستلىرىغا، يەنى ئۇنىڭغا ئىبادەت قىلىدىغانلارغا مەڭگۈلۈك ھاياتنى بەرگەندە، بىز مەنىلىك ھايات كەچۈرىمىز. شۇ چاغدا، خۇدانىڭ دەسلەپتە ئىنسانلار ئۈچۈن قىلغان ئىرادىسى پۈتۈنلەي ئەمەلگە ئاشىدۇ.—زەبۇر 37:10، 11.
بۇلارغىمۇ قىزىقىشىڭىز مۇمكىن
مۇقەددەس كىتاب. سوئال-جاۋاب
خۇدا مېنىڭدىن نېمە تەلەپ قىلىدۇ؟
خۇدا مېنىڭدىن نېمىنى كۈتىۋاتقانلىقىنى بىلىش ئۈچۈن ماڭا ئالاھىدە بىر بەلگۈ، ۋەھىي ياكى مۆجۈزە كېرەكمۇ؟ جاۋاپنى مۇقەددەس كىتابتىن تېپىڭ.
مۇقەددەس كىتاب تەلىملىرى
سىناپ كۆرەي
تەلىم بەرگۈچى بىلەن مۇقەددەس يازمىلاردىن ھەقسىز بىلىم ئاشۇرۇڭ