خۇدا پادىشاھلىقى زادى قەيەردە؟
مۇقەددەس كىتابنىڭ جاۋابى
نۇرغۇن كىشىلەر خۇدانىڭ پادىشاھلىقىنى ياخشى نىيەتلىك ئادەملەرنىڭ قەلبىدە دەپ ئويلايدۇ. ئەمەلىيەتتە، ئۇنداق ئەمەس. مۇقەددەس كىتاب بۇ پادىشاھلىقنى «ئاسمان پادىشاھلىقى» دەپمۇ ئاتايدۇ (مەتتا 4:17). مۇقەددەس كىتابقا ئاساسلانغاندا، خۇدا پادىشاھلىقى — ئاسماندا ھۆكۈمرانلىق يۈرگۈزىدىغان ھەقىقىي ھۆكۈمەتتۇر.
خۇدا پادىشاھلىقىنىڭ ھۆكۈمرانلىرى، پۇقرالىرى ۋە قانۇنلىرى بار. خۇدا بۇ ھۆكۈمەتكە ئاسماندا ۋە يەر يۈزىدە خۇدانىڭ ئىرادىسىنى ئەمەلگە ئاشۇرۇش ھوقۇقىنى بەرگەن.—مەتتا 6:10؛ ۋەھىيلەر 5:10.
خۇدانىڭ ھۆكۈمىتى، يەنى پادىشاھلىقى دۇنيانىڭ جاي-جايلىرىدا ياشايدىغان، «ھەرخىل تىللاردا سۆزلەيدىغان بارچە خەلقلەر» ئۈستىدىن ھۆكۈمرانلىق قىلىدۇ (دانىيال 7:13، 14). بۇ پادىشاھلىققا ھۆكۈمرانلىق يۈرگۈزۈش ھوقۇقىنى پۇقرالىرى ئەمەس، بەلكى خۇدا ئۆزى بېرىدۇ.—زەبۇر 2:4–6؛ يەشايا 9:7.
ھەزرىتى ئەيسا ئۆزىنىڭ سادىق ئەگەشكۈچىلىرىگە ئاسماندىكى پادىشاھلىقىدا ئۆزى بىلەن بىرلىكتە تەختلەردە ئولتۇرىدىغانلىقىنى ئېيتقان.—لۇقا 22:28، 30.
خۇدا پادىشاھلىقى ئۆز دۈشمەنلىرىنى يوق قىلىدۇ.—زەبۇر 2:1، 2، 8، 9؛ 110:1، 2؛ 1-كورىنتلىقلار 15:25، 26.
مۇقەددەس كىتاب، ئاسماندىكى پادىشاھلىق ئىنساننىڭ قەلبىدە بولغاچقا، ئۇ ئىنساننىڭ قەلبى ئارقىلىق ھۆكۈمرانلىق قىلىدۇ دېمەيدۇ. ئەمما، مۇقەددەس يازمىلار «پادىشاھلىقنىڭ سۆزى» ياكى «پادىشاھلىق خۇش خەۋىرى» كىشىنىڭ قەلبىگە تەسىر قىلالايدىغانلىقى ۋە چوقۇم قەلبىمىزگە تەسىر قىلىشى كېرەكلىكى توغرىسىدا ئۆگىتىدۇ.—مەتتا 13:19؛ 24:14.
خۇدانىڭ پادىشاھلىقى دىلىڭلاردىدۇر دېگەن سۆز-ئىبارە نېمىنى بىلدۈرىدۇ؟
بەزى ئادەملەر لۇقا 17:21-ئايەتتىكى سۆزلەرنى ئوقۇپ، خۇدا پادىشاھلىقىنىڭ قەيەردە ئىكەنلىكىنى چۈشەنمەي قالىدۇ. مەسىلەن، مۇقەددەس كىتابنىڭ بىر تەرجىمىسىدە: «خۇدانىڭ پادىشاھلىقى دىلىڭلاردىدۇر»،— دەپ يېزىلغان. بۇ ئايەتنى توغرا چۈشىنىش ئۈچۈن مۇشۇ ئايەتنىڭ ئالدىدىكى ۋە كەينىدىكى ئايەتلەرنى كۆرۈپ چىقىش كېرەك.
خۇدا پادىشاھلىقى ئەيسا پەيغەمبەرنى ئۆلتۈرمەكچى بولغان قارشى چىققۇچىلارنىڭ قەلبىدە بولمىغان
ئەيسا پەيغەمبەر بۇ سۆزلەرنى پەرىسىيلەرگە قارىتا ئېيتقان ئىدى. بۇ دىنىي رەھبەرلەر ھەزرىتى ئەيساغا قارشىلىق كۆرسىتىپ، ئۇنى ئۆلتۈرۈش ئۈچۈن تىل بىرىكتۈرگەنىدى (مەتتا 12:14؛ لۇقا 17:20). خۇدا پادىشاھلىقى شۇنداق رەزىل كىشىلەرنىڭ قەلبىدە بار دەپ ئويلاش ئەقىلگە مۇۋاپىقمۇ؟ ياق، ئەكسىنچە ھەزرىتى ئەيسا ئۇلارغا مۇنداق دېگەن: «ئىچىڭلار ساختىپەزلىك ۋە قانۇنسىزلىققا تولغاندۇر».—مەتتا 23:27، 28.
مۇقەددەس كىتابنىڭ باشقا تەرجىمىلىرى ئەيسا پەيغەمبەرنىڭ لۇقا 17:21-ئايەتتىكى (يېڭى دۇنيا تەرجىمىسى) سۆزلىرىنى ياخشىراق چۈشىنىشىمىزگە ياردەم بېرىپ، «خۇدا پادىشاھلىقى سىلەرنىڭ ئاراڭلاردىدۇر» دەيدۇ. دېمەك، خۇدا پادىشاھلىقى پەرىسىيلەرنىڭ ئارىسىدا ئىدى، چۈنكى ھەزرىتى ئەيسا خۇدا پادىشاھلىقىنىڭ پادىشاھى سۈپىتىدە ئۇلارنىڭ ئارىسىدا تۇرغان.—لۇقا 1:32، 33.
بۇلارغىمۇ قىزىقىشىڭىز مۇمكىن
مۇقەددەس كىتابنىڭ ئاساسىي تەلىملىرى
خۇدا پادىشاھلىقى دېگەن نېمە؟
ئەيسا پەيغەمبەر يەردە خىزمەت قىلغاندا، ئاساسەن خۇدا پادىشاھلىقى ھەققىدە تەلىم بەرگەن. ئەسىرلەر بويى ئۇنىڭ شاگىرتلىرى خۇدا پادىشاھلىقى كەلسۇن دەپ دۇئا قىلغان.
«كۆزىتىش مۇنارى»
خۇدا پادىشاھلىقىنىڭ پادىشاھى كىم؟
خۇدا مۇقەددەس يازمىلارغا، كىم خۇدا پادىشاھلىقنىڭ پادىشاھى بولىدىغانلىقىنى ئېنىقلاشقا ياردەم بېرەلەيدىغان بەزى تەپسىلاتلارنى يازدۇرغان. ئىنسانىيەت تارىخىدا پەقەت بىرلا ئىنسان بارچە تەسۋىرلەشلەرگە ماس كېلىدۇ.
مۇقەددەس كىتاب تەلىملىرى
سىناپ كۆرەي
تەلىم بەرگۈچى بىلەن مۇقەددەس يازمىلاردىن ھەقسىز بىلىم ئاشۇرۇڭ