ئەيسا مەسىھ ئىنسانلارنى قانداق قۇتقۇزىدۇ؟
مۇقەددەس كىتابنىڭ جاۋابى
ھەزرىتى ئەيسا تۆلەم سۈپىتىدە جېنىنى پىدا قىلىپ، خۇداغا سادىق بولغان كىشىلەرنى قۇتقۇزغان (مەتتا 20:28). شۇڭا، مۇقەددەس كىتاب ئەيسانى «دۇنيانىڭ قۇتقۇزغۇچىسى» دەپ ئاتالغان (1-يۇھاننا 4:14). مۇقەددەس يازمىلاردا يەنە: «بىزنى قۇتقۇزالايدىغان ئەيسادىن باشقا ھېچكىم يوق؛ چۈنكى بىزنىڭ چوقۇم قۇتقۇزۇلۇشىمىز ئۈچۈن، ئاسماننىڭ ئاستىدا ئىنسانلارغا بېرىلگەن باشقا ئىسىم يوقتۇر»،— دەپ يېزىلغان (ئەلچىلەر 4:12).
ئەيسا مەسىھ ئۆزىگە ئىشەنگەن ھەربىر كىشى ئۈچۈن ئۆلۈمنىڭ تەمىنى تېتىغان (ئىبرانىيلار 2:9؛ يۇھاننا 3:16). كېيىنرەك، خۇدا ئۇنى ئۆلۈمدىن تىرىلدۈرگەن. ھەزرىتى ئەيسا روھىي مەۋجۇدات سۈپىتىدە ئاسمانغا قايتقان ئىدى (ئەلچىلەر 3:15). ئۇ يەردە مەسىھ ئەيسا «ئۇ ئۆزى ئارقىلىق خۇداغا يېقىنلاشقانلارنى پۈتۈنلەي قۇتقۇزۇشقا قادىر، چۈنكى ئۇ ھەمىشە ھايات تۇرۇپ، ئۇلار ئۈچۈن شاپائەت قىلىشنى تىلەيدۇ».—ئىبرانىيلار 7:25.
نېمە ئۈچۈن بىز ئەيسا مەسىھنىڭ ۋاسىتىچى بولۇشىغا موھتاج؟
بىز ھەممىمىز گۇناھكار بەندىلەر (رىملىقلار 3:23). گۇناھ ئىنسانلار بىلەن خۇدا ئوتتۇرىسىدىكى بىر توسالغۇ ۋە ئۇ ئىنسانلارنى ئۆلۈمگە يېتەكلەيدۇ (رىملىقلار 6:23). بىراق، ئەيسا مەسىھ ئۆزىنىڭ تۆلەم قۇربانلىقىغا ئىشىنىدىغان كىشىلەر ئۈچۈن ۋاسىتىچى سۈپىتىدە خىزمەت قىلىدۇ (1-يۇھاننا 2:1). ئۇ ۋاسىتىچى بولۇپ، خۇدادىن بۇ كىشىلەرنىڭ دۇئالىرىغا قۇلاق سېلىشىنى ۋە ئۆزىنىڭ تۆلەم قۇربانلىقى ئاساسىدا گۇناھلىرىنى كەچۈرۈشىنى سورايدۇ (مەتتا 1:21؛ رىملىقلار 8:34). خۇدا شۇ كىشىلەرنىڭ دۇئالىرىغا ئەيسا مەسىھ ئارقىلىق جاۋاب بېرىدۇ. چۈنكى، ئۇلار خۇدانىڭ ئىرادىسىگە ئۇيغۇن. ياراتقۇچى يەھۋا «دۇنيانى قۇتقۇزۇش ئۈچۈن» ئەيسانى يەر يۈزىگە ئەۋەتكەن.—يۇھاننا 3:17.
قۇتقۇزۇلۇش ئۈچۈن ھەزرىتى ئەيساغا ئىشىنىشنىڭ ئۆزى يېتەرلىكمۇ؟
ياق. گەرچە قۇتقۇزۇلۇش ئۈچۈن ئەيسا مەسىھكە چوقۇم ئىشىنىشىمىز كېرەك بولسىمۇ، بىز يەنە باشقا ئىشلارنى قىلىشىمىز لازىم (ئەلچىلەر 16:30، 31). مۇقەددەس كىتابتا: «روھسىز تەن ئۆلۈك بولغاندەك، ئىش-ھەرىكەتسىز ئىمان ھەم ئۆلۈكتۇر»،— دەپ يېزىلغان (ياقۇپ 2:26). قۇتقۇزۇلۇش ئۈچۈن تۆۋەندىكى ئىشلارنى قىلىشىمىز لازىم:
ئەيسا مەسىھ ۋە ئۇنىڭ ئاتىسى يەھۋا ھەققىدە ئۆگىنىش.—يۇھاننا 17:3.
ئۇلارغا بولغان ئىشەنچىمىزنى كۈچەيتىش.—يۇھاننا 12:44؛ 14:1.
ئۇلارنىڭ بۇيرۇقلىرىغا بويسۇنۇش ئارقىلىق ئىمان-ئېتىقادىمىزنى كۆرسىتىش (لۇقا 6:46؛ 1-يۇھاننا 2:17). ھەزرىتى ئەيسا ئۆزىنى «ھەزرىتىم» دەپ چاقىرغانلارنىڭ ھەممىسلا ئەمەس، بەلكى «پەقەت ئاسماندىكى ئاتامنىڭ ئىرادىسىنى ئورۇنلاۋاتقانلار» قۇتقۇزۇلىدىغانلىقى ھەققىدە تەلىم بەرگەن.—مەتتا 7:21.
قىيىنچىلىقلارغا بەرداشلىق بېرىپ، داۋاملىق ئىمان-ئېتىقادىمىزنى كۆرسىتىش. چۈنكى، ھەزرىتى ئەيسا شۇنداق دېگەن: «ئاخىرغىچە بەرداشلىق بەرگەنلەر قۇتقۇزۇلىدۇ».—مەتتا 24:13.
بۇلارغىمۇ قىزىقىشىڭىز مۇمكىن
مۇقەددەس كىتابنىڭ ئاساسىي تەلىملىرى
ئەيسا مەسىھ نېمە ئۈچۈن ئۆلدى؟
بەلكىم سىز ئەيسا بىز ئۈچۈن ئۆز جېنىنى پىدا قىلغانلىقى ھەققىدە ئاڭلىغانسىز؟ بىراق پەقەت قىلىنغان بىرلا قۇربانلىق ھەممە ئادەملەرگە پايدا ئەكېلەمدۇ؟
مۇقەددەس كىتاب تەلىملىرى
سىناپ كۆرەي
تەلىم بەرگۈچى بىلەن مۇقەددەس يازمىلاردىن ھەقسىز بىلىم ئاشۇرۇڭ