ياشلارنىڭ سوئاللىرى
مۇقەددەس كىتاب ماڭا قانداق ياردەم بېرەلەيدۇ؟ 1-قىسىم — مۇقەددەس كىتابنى تەتقىق قىلىش
«مۇقەددەس كىتابنى ئوقۇشقا تىرىشاتتىم، بىراق بۇ كىتابنى ئۇزۇن ۋاقىت ئوقۇش كېرەكلىكىنى ئويلىساملا، قولۇمغا ئالغۇم كەلمەيدۇ» (برېئاننا، 15 ياش)
سىزمۇ شۇنداق ھېس-تۇيغۇدا؟ ئۇنداقتا، بۇ ماقالە سىزگە ياردەم بېرەلەيدۇ!
نېمە ئۈچۈن مۇقەددەس كىتابنى ئوقۇش كېرەك؟
مۇقەددەس كىتابنى ئوقۇش زېرىكىشلىكمۇ؟ ئەگەر شۇنداق بولسا، بۇنى چۈشىنىشكە بولىدۇ. بەلكىم، ھەرىپلىرى ئۇششاق بېسىلغان، بىرەر پارچە رەسىم يوق، نەچچە مىڭ بەتلىك كىتابنى ئوقۇغاندىن كۆرە، تېلېۋىزوردىن ياكى ئىنتېرنېتتىن فىلىملەرنى كۆرۈشنى ئەۋزەل دەپ ئويلايدىغانسىز.
لېكىن بىراز ئويلىنىپ بېقىڭ: ئەگەر غەزنىگە تولغان بىر ساندۇقنى تېپىۋالغان بولسىڭىز، ئىچىدە نېمىلەر بارلىقىنى كۆرۈشنى خالىمامسىز؟
مۇقەددەس كىتاب غەزنىگە تولغان ساندۇققا ئوخشايدۇ. ئۇ يەردە دانالىققا ئېرىشىشىڭىزگە ياردەم بېرىدىغان نۇرغۇن ئۈنچە-مەرۋايىتلار بار. مەسىلەن:
توغرا قارار چىقىرىش
ئاتا-ئانا بىلەن تىل تېپىش
ھەقىقىي دوستلارنى تېپىش
بېسىمغا قارشى كۈرەش قىلىش
شۇنداق قەدىمىي كىتابنى قانداقمۇ بۈگۈنكى كۈندە ئەمەلىي قوللىنىشقا بولىدۇ؟ چۈنكى، «مۇقەددەس يازمىلارنىڭ ھەممىسى خۇدانىڭ ئىلھامى بىلەن بولغان» (2-تىموتىي 3:16). دېمەك، بۇ مۇقەددەس كىتابتىكى مەسلىھەتلەرنىڭ ئەڭ ئىشەنچىلىك ياراتقۇچىدىن كەلگەنلىكىنى بىلدۈرىدۇ.
مۇقەددەس كىتاب دانا بولۇشقا ياردەم بېرىدىغان ئۈنچە-مەرۋايىتلارغا تولغان ساندۇققا ئوخشايدۇ
مۇقەددەس كىتابنى قايسى ئۇسۇلدا ئوقۇشۇم كېرەك؟
مۇقەددەس كىتابنى ئوقۇشنىڭ ئۇسۇللىرىدىن بىرى، ئۇنى بېشىدىن ئاخىرغىچە ئوقۇپ چىقىش. بۇ مۇقەددەس كىتاب ھەققىدە ئومۇمىي چۈشەنچىگە ئىگە بولۇشىڭىزغا ياردەم بېرىدۇ. بۇ كىتابنى ئوقۇشنىڭ ھەرخىل ئۇسۇللىرى بار. تۆۋەندىكى ئىككى ئۇسۇلنى كۆرۈپ چىقايلى:
مۇقەددەس يازمىلارنىڭ ھەممە 66 كىتابىنى، يەنى يارىتىلىش كىتابىدىن باشلاپ، ۋەھىي كىتابىغىچە ئوقۇپ چىقسىڭىز بولىدۇ.
مۇقەددەس كىتابنى ۋاقىت تەرتىپى، يەنى ئۆزئارا باغلىنىشلىق ۋەقەلەرنىڭ يۈز بەرگەن تارىخى تەرتىپى بويىچە ئوقۇپ چىقسىڭىز بولىدۇ.
مەسلىھەت: «مۇقەددەس كىتاب — يېڭى دۇنيا تەرجىمىسى»نىڭ A7 قوشۇمچە ئىزاھاتىدىن، ئەيسانىڭ يەر يۈزىدىكى ھاياتىدا يۈز بەرگەن مۇھىم ۋەقەلەر ۋاقىت تەرتىپى كۆرسىتىلگەن مەلۇماتنى تېپىشقا بولىدۇ.
مۇقەددەس كىتابنى ئوقۇشنىڭ ئىككىنچى ئۇسۇلى سىز دۇچ كېلىۋاتقان قىيىنچىلىقلار بىلەن باغلىنىشلىق ۋەقەلەرنى تېپىش. مەسىلەن:
ئىشەنچىلىك دوستلارنى تېپىشنى خالامسىز؟ ئۇنداقتا، يوناتان بىلەن داۋۇتنىڭ دوستلىقى ھەققىدىكى مۇقەددەس كىتابنىڭ ئۈزۈندىسىنى ئوقۇڭ چىقىڭ (1-سامۇئىل 18—20 بابلار). كېيىن، داۋۇتنىڭ قايسى پەزىلەتلىرى ئۇلارنىڭ يېقىن دوستلۇق ئورنىتىشقا قانداق ياردەم بەرگەنلىكى ھەققىدە ئويلىنىپ كۆرۈڭ.
ئېزىقتۇرۇشلارغا قارشى تۇرۇش قارارىڭىزنى مۇستەھكەملەشنى خالامسىز؟ يۈسۈپ پەيغەمبەر قانداق قىلىپ ئېزىقتۇرۇشقا قارشى تۇرغانلىقىنى ئوقۇپ چىقىڭ (يارىتىلىش 39-باب). كېيىن، يۈسۈپ ئېزىقتۇرۇلۇشقا قارشى تۇرۇش ئۈچۈن قەيەردىن كۈچ ئالغانلىقى ھەققىدە ئويلىنىپ كۆرۈڭ.
خۇدانىڭ دۇئالىرىڭىزنى تىڭشايدىغانلىقىغا بولغان ئىشەنچىڭىزنى مۇستەھكەملەشنى خالامسىز؟ نەھەمىيا پەيغەمبەر ھەققىدىكى ۋەقەنى ئوقۇپ چىقىڭ (نەھەمىيا 1 ۋە 2 بابلار). ئۇنىڭ دۇئاسىغا قانداق جاۋاب بېرىلگەنلىكىنىڭ ئىسپاتلىرىنى ئىزدەڭ.
مەسلىھەت: دىققىتىڭىزنى مۇقەددەس كىتابنى ئوقۇشقا كۆپرەك مەركەزلەشتۈرۈش ئۈچۈن تىنچ جاينى تېپىڭ.
مۇقەددەس كىتابنى ئوقۇشنىڭ ئۈچىنچى ئۇسۇلى بىرەر ۋەقە ياكى زەبۇر كىتابىنىڭ بىر ئۈزۈندىسىنى ئوقۇپ، كېيىن سىز ئۈچۈن قانداق پايدىسى بارلىقى ھەققىدە ئويلاپ بېقىڭ. ئوقۇپ چىققاندىن كېيىن ئۆز-ئۆزىڭىزدىن تۆۋەندىكىلەرنى سوراڭ:
نېمە ئۈچۈن يەھۋا خۇدا بۇنى مۇقەددەس كىتابقا يازدۇرغان؟
بۇ ئۈزۈندىدىن يەھۋانىڭ پەزىلەتلىرى ۋە كۆزقاراشلىرى ھەققىدە نېمىنى بىلىۋالدىم؟
ئوقۇغانلىرىمنى ھاياتىمدا قانداق قوللانسام بولىدۇ؟
بۇلارغىمۇ قىزىقىشىڭىز مۇمكىن
ياشلارنىڭ سوئاللىرى
مۇقەددەس كىتاب ماڭا قانداق ياردەم بېرەلەيدۇ؟ 2-قىسىم — مۇقەددەس كىتابنى قىزىقارلىق ئۇسۇلدا ئوقۇڭ
مۇقەددەس كىتابتىكى ۋەقەلەرنى جانلاندۇرشىڭزغا ياردەم بېرىدىغان بەش مەسلىھەت
ئۆسمۈرلەر ۋە ياشلار
تەتقىق قىلىش ئۈچۈن تاپشۇرۇقلار
بۇ بېسىپ چىقىرىلىدىغان تاپشۇرۇقلار مۇقەددەس كىتاب ھېكايىلىرىنى تەسەۋۋۇر قىلىشقا ياردەم بېرىدۇ.
