Мәзмунға өтүш

Қошумчә тизимликкә өтүш

Йәһва гувачилири

Уйғур (кирилл йезиғи)

Силәрниң паалийитиңларниң хираҗәтлирини ким көтириду?

Силәрниң паалийитиңларниң хираҗәтлирини ким көтириду?

Бизниң вәзилик паалийитимизниң хираҗәтлири асасий җәһәттин Йәһва гувачиларниң ихтиярий ианилири арқилиқ көтирилиду. Учришишлиримизда пул жиғилмайду, җамаәт әзалиридин тапавитиниң ондин бир қисмини бериш тәләп қилинмайду (Мәтта 10:7, 8). Җамаәт учришишлири өтүдиған орунларда ихтиярий ианә бериш үчүн сандуқчилар қоюлған. Ианә беришни халиған һәрқандақ адәм ианисини шу сандуқчиға салалайду. Кимниң қанчә ианә қилғини ухтуруш қилинмайду.

Тәшкилатниң ианилири орунлуқ ишлитилиду. Буниң бир сәвәви – биздә хизмити үчүн пул алидиған диний рәһбәрләр йоқ. Буниңға қошумчә, Гувачилар өйму-өй вәзә қилғини үчүн пул алмайду һәм учришишлар өткүзилидиған орунлиримиз аддий селинған.

Йәһва гувачилириниң филиаллириға әвәтилидиған ихтиярий ианиләр тәбиий апәткә учриғанларға ярдәм көрситиш, миссионерлар билән наһийилик назарәтчиләрни қоллаш, тәрәққий қиливатқан мәмликәтләрдә Ибадәт өйлирини қуруш һәм Муқәддәс китап вә униңға асасланған әдәбиятларни нәшир қилип, уларни һаҗәтлик орунға йәткүзүш үчүн ишлитилиду.

Һәрким немигә атап ианә қилишни – йәрлик еһтияҗларға, пүткүл дуниявий паалийәткә, яки һәр иккилисигә – өзи қарар қилиду. Һәрбир җамаәт әзалириға ианә пуллириниң һесавитини дайимлиқ билән ухтурушлар қилип туриду.