Валтӥсь материалъёсы выжоно

Мар луэ тӥ понна Библия?

Мар луэ тӥ понна Библия?

Кызьы тӥ верасалды? Со...

  • адями визьлыкен книга?

  • выжыкылъёсын книга?

  • Инмарлэн Кылыз?

 МАР ВЕРА БИБЛИЯ

«Быдэс Священной Гожтэм Инмарлэн Духеныз вордскытэмын» (2 Тимофейлы 3:16, Библия удмурт кылын).

МАР СО ТӤЛЕДЛЫ СЁТЫНЫ БЫГАТОЗ

Тужгес но кулэ луись юанъёслы валамон валэктонъёс (Мадёнъёс 2:1—5).

Котькуд нуналлы оскымон кивалтэт (Псалтирь 118:105).

Азьланяз умой улонлы оскыны инъет (Римын улӥсьёслы 15:4).

 ЛУОЗ-А ОСКЫНЫ СОЛЫ, МАР ВЕРА БИБЛИЯ?

Луоз. Эскеромы куинь мугъёсты:

  • Люкетъёсызлэн паймымон герӟаськемзы. Библиез гожъязы ог 40 адямиос 1 600 ар ӵоже. Тросэз соос пӧлысь ог-огенызы ноку но ӧз адӟиськылэ. Озьы ке но, быдэс книгалэн одӥг валтӥсь малпанэз!

  • История ласянь верамъёслэн шонер луэмзы. Тросэз история удысысь тодосчиос тушмонъёслэн ас калыксэс вормемзы сярысь вераны уг ярато. Нош соос, кинъёс Библиез гожъязы, ватытэк веразы асьсэлэн умойтэм ужъёссы сярысь но, ас калыксылэн янгышъёссы сярысь но (2 Паралипоменон 36:15, 16; Псалтирь 50:3—6).

  • Азьпалзэ тодытыса веранъёслэн зэмос луэмзы. Вашкала Вавилон кар куашкатэмын луоз шуыса, Библия ог 200 арлэсь азьвыл ик вераз вал (Исаия 13:17—22). Отын верамын вал, кызьы Вавилон куашкалоз, озьы ик гожтэмын вормисезлэн нимыз но (Исаия 45:1—3).

    Библиысь трос мукет азьпалзэ тодытыса верамъёс озьы ик пыр-поч быдэсмизы. Ӵапак сое ик возьманы луэ Инмарлэн Кылызлэсь! (2 Пётр 1:21).

 МАЛПАСЬКЕЛЭ

Кызьы Инмарлэн Кылыз тӥлесьтыд улондэс умоятыны быгатэ?

Библиын та юанлы валэктон сёто таӵе кылбуръёс: ИСАИЯ 48:17, 18 но 2 ТИМОФЕЙЛЫ 3:16, 17.