Валтӥсь материалъёсы выжоно

Кин та дуннеен кивалтэ?

Кин та дуннеен кивалтэ?

Дуннеен кивалтэ...

  • Инмар?

  • адямиос?

  • кин ке но мукетыз?

 МАР ВЕРА БИБЛИЯ

«Та дуннелэн адямиосыз шайтанлэн киулаз возисько» (1 Иоанн 5:19, Библия удмурт кылын).

«Диаволлэсь ужъёссэ куашкатон понна ик уго Инмар Пи лыктӥз» (1 Иоанн 3:8).

МАР СО ТӤЛЕДЛЫ СЁТЫНЫ БЫГАТОЗ

Дуннеысь шуг-секытъёсыз валамон валэктон (Усьтӥськон 12:12).

Улонмы умой пала воштӥськоз шуыса оскон (1 Иоанн 2:17).

 ЛУОЗ-А ОСКЫНЫ СОЛЫ, МАР ВЕРА БИБЛИЯ?

Луоз. Эскеромы куинь мугъёсты:

  • Шайтанлэн кивалтэмезлы пум вуоз. Иегова Инмар Шайтанлэсь адямиосын кивалтэмзэ, одно ик, быдтыны малпа. Со кыл сётэ Дьяволэз но солэн кивалтэмезлэсь бервылъёссэ быдтыны (Еврейёслы 2:14).

  • Инмар дуннеен кивалтыны Иисус Христосэз пуктӥз. Та дуннелэн кивалтӥсез туж лек но ассэ гинэ яратӥсь, нош Иисус Христос чик но сыӵе ӧвӧл. Тани мар вера Инмар Иисуслэн кивалтэмез сярысь: «Кураськисез, начар муртэз жалясь луоз... Кескич ужлэсь, эриктэманлэсь соослэсь лулзэс утёз» (Псалтирь 71:13, 14).

  • Инмар ноку но уг пӧяськы. Библия валамон вера: «Со уг ӧрекчаськы» (Лыдпусъёс 23:19). Иегова мар ке лэсьтыны кылзэ сётэ ке, со лэсьтэмын ини шуыса, лыдъяны луоз! (Исаия 55:10, 11). «Та дуннелэн эксэез... улляса лэземын луоз» (Иоанн 12:31).

 МАЛПАСЬКЕЛЭ

Кыӵе луоз дунне, куке солэн кивалтӥсез кивалтэмезлэсь палэнтэмын луоз?

Библиын та юанлы валэктон сёто таӵе кылбуръёс: ПСАЛТИРЬ 36:10, 11 но УСЬТӤСЬКОН 21:3, 4.