Валтӥсь материалъёсы выжоно

Кулэм адямиос выльысь улозы-а?

Кулэм адямиос выльысь улозы-а?

Мар тӥ верасалды?

  • Улозы.

  • Уз.

  • Улозы, дыр.

 МАР ВЕРА БИБЛИЯ

«Со шонер улэмъёсты но, шонер улымтэосты но кулэмысь улӟытыса султытоз» (Апостолъёслэн ужъёссы 24:15, «Выль Сӥзён»).

МАР СО ТӤЛЕДЛЫ СЁТЫНЫ БЫГАТОЗ

Буйгатон, куке тӥ матысь адямиостэс ыштӥськоды (2 Коринфын улӥсьёслы 1:3, 4).

Кулэмлэсь ортчыт кышканлэсь мозмытскон (Еврейёслы 2:15).

Сюлмысь яратоно адямиосынымы выльысь пумиськыны зэмос оскон (Иоанн 5:28, 29).

 ЛУОЗ-А ОСКЫНЫ СОЛЫ, МАР ВЕРА БИБЛИЯ?

Луоз, но со понна, самой ӧжытэз, куинь мугъёс вань:

  • Инмар вань лулоезлы улон сётӥз. Библия Иегова Инмарез улон сётӥсь шуыса нима (Псалом 35:10; Апостолъёслэн ужъёссы 17:24, 25). Со, кин ваньзэ кылдытӥз, кулэмъёсты улӟытыны, одно ик, быгатоз.

  • Инмар азьло дыръёсы адямиосты улӟытъяз. Библия вера тямыс адямиос сярысь — соос пӧлын арлыдоос но егитъёс, пиосмуртъёс но кышномуртъёс, кудъёсызлы музъем вылын улонзы берыктэмын вал. Тросэз соос пӧлысь кема дыр ӵоже кулыса ӧз улэ ке но, одӥгез шайгуын ньыль нунал кыллиз! (Иоанн 11:39—44).

  • Инмар, азьло сямен ик, кулэмъёсты улӟытыны мылкыд каре. Иегова кулонэз адӟемпотостэм каре; со сое тушмонэн лыдъя (1 Коринфын улӥсьёслы 15:26). Солэн юн мылкыдыз вань та тушмонэз вормыны — кулонэз улӟытонэн быдтыны. Инмарлэн вань сюлмысьтыз выльысь адӟемез потэ ваньзэс, кинъёсты со тодаз возе,— со соосты музъем вылын улыны берыктоз (Иов 14:14, 15).

 МАЛПАСЬКЕЛЭ

Малы ми пересьмиськомы но кулӥськомы?

Библия та юанлы валэктон сётэ БЫТИЕ книгаын 3:17—19 но РИМЫН УЛӤСЬЁСЛЫ 5:12.