Валтӥсь материалъёсы выжоно

Пуштросаз выжоно

 19-ТӤ ЛЮКЕТ

Иисус азьпалэз сярысь ивортэ

Иисус азьпалэз сярысь ивортэ

Иисус вера югдуръёс сярысь, кудъёсыз возьматозы, со эксэй луыса кивалтэ но та дуннелэн радлыкез йылпумъяське ини шуыса

ЕЛЕОН гурезь вылын пукыкузы, кытысен Иерусалим но храм туж чебер адӟисько вал, ньыль апостолъёс огназы кылем бере, Иисуслы юан сётӥзы. Со али гинэ вераз вал, Иерусалимысь храм куашкатэмын луоз шуыса. Нош азьлогес вераз на дуннелэн быронэз сярысь, мукет кылъёсын вераса, та лек дуннелэн радлыкезлэн йылпумъяськемез сярысь (Матфей 13:40, 49). Табере апостолъёс дышетӥсьсылэсь юазы: «Тынад лыктонэдлэн [«эксэй луонэдлэн», ВД] но дунне быронлэн кыӵе тодметэз луоз?» (Матфей 24:3).

Ответ сётыса, Иисус вераз, мар луоз Иерусалимез куашкатон азьын. Нош солэн со кылъёсыз азьпалэз сярысь но веразы — берлогес со кылъёсыз быдэс дунне вылын быдэсмыны кулэ вал. Иисус азьло ик вераз дуннеысь югдуръёс сярысь, кудъёсыз ваньзы ӵош огъя тодмет луозы. Сое адӟыса, адямиос валаны быгатысалзы, Иисус Эксэй луыса инмын кивалтэ ини шуыса. Мукет кылъёсын вераса, тодмет возьматоз, Иегова Инмар Христосэз сӥзем Мессия Эксэйлыклэн престолэз вылэ пуктӥз шуыса но ӝоген со Эксэйлык ваньзэ уродзэ быдтоз но музъем вылын зэмос тупаса улон ваёз шуыса. Иисусэн азьло ик верам югдуръёс вералозы, та вуж радлыклэн — туала религиозной, политической но социальной радлыклэн — берпуметӥ нуналъёсыз сярысь но выль радлыклэн кутсконэз сярысь.

Кыӵе югдур луоз музъем вылын, Христос Эксэй луыса кивалтыны кутскыку? Иисус вераз, калыкъёс куспын ожмаськонъёс, сютэм улон, куашкатӥсь музъем зурканъёс, дунневыл черъёс луозы но лек ужъёс йылозы шуыса. Христослэн зэмос дышетскисьёсыз быдэс дунне вылын Инмарлэн Эксэйлыкез сярысь ӟеч иворез вералозы. Бератаз «бадӟым куректон» луоз, кыӵеез азьло ноку но ӧй вал на (Матфей 24:21).

Кызьы Христослэн пытьытӥз мынӥсьёс валалозы, со куректон матэктэ шуыса? Иисус вераз: «Писпуос шоры учке» (Лука 21:29, 30). Вайёсазы куаръёс пото ке, со возьматэ, гужем матын ини шуыса. Озьы ик Иисусэн азьло ик верам югдуръёслэн ӵош быдэсмемзы возьматоз, пум матын ини шуыса. Но нокин но, Атай сяна, азьло ик уз тоды бадӟым куректонлэсь нуналзэ но дырзэ. Соин ик Иисус дышетскисьёсызлы азьло ик вераз: «Сак улэ... уд тодӥське уго, ку со дыр вуоз» (Марк 13:33).

Пыкиськемын: Матфей, 24-тӥ но 25-тӥ люкетъёс; Марк, 13-тӥ люкет; Лука, 21-тӥ люкет.