Salmos 97:1-12

  • Mas toj toyol skʼoplal li Jeova kʼuchaʼal yan diosetike

    • «¡Kʼotem xa ta Ajvalil li Jeovae!» (1)

    • Kʼanik li Jeovae, pʼajik li kʼusi chopole (10)

    • «Sakil osil ta stojolal li buchʼutik tukʼike» (11)

97  ¡Kʼotem xa ta Ajvalil li Jeovae!+ Kuxetuk yoʼonton li balumile.+ Kuxetuk yoʼonton li epal lumetik joyol ta nabe.+   Te joyol ta spat xokon li tok xchiʼuk li pimil ikʼal* osile;+jaʼ snakleb xchotleb sventa ajvalil li tukʼilal xchiʼuk li kʼusitik tukʼe.+   Jaʼ jbabe echʼel yuʼun li kʼokʼe+xchiʼuk chchikʼ li yajkontratak ti te joyol ta spat xokone.+   Tsakubtas balumil li saksevul* yuʼune;chnik ta xiʼel li balumil kʼalal chile.+   Ch-unij kʼuchaʼal chab* ta yeloval Jeova li vitsetike,+ta yeloval li Yajval spʼejel balumile.   Ch-albat stukʼilal yuʼun li vinajelexchiʼuk chilbeik smukʼulal skotol li jteklumetike.+   Akʼo ta kʼexlaluk xkom skotol li buchʼu chichʼ ta mukʼ jtosuk lokʼole,+li buchʼutik xtoyet xa tspas sbaik ta skoj li sdiosik ti chʼabal sbalile.+ Akotolik voʼoxuk ti diosoxuke, nijano abaik ta stojolal.*+   Chaʼi li Sione, vaʼun chmuyubaj;+xkuxet yoʼonton li jteklumetik* ta Judata skoj ti chachapanvane, Jeova.+   Kajval Jeova, yuʼun voʼot noʼox atuk ti toj toyol oyot ta spʼejel balumile;voʼot mas toj toyol akʼoplal, jaʼ mu sta li yan diosetike.+ 10  Voʼoxuk ti akʼanojik li Jeovae, pʼajik li kʼusi chopole.+ Chchabibe xkuxlejal li buchʼutik tukʼ yakʼoj sbaik ta stojolale;+tskolta lokʼel ta skʼob* li buchʼutik toj chopolike.+ 11  Xojobinajem sakil osil ta stojolal li buchʼutik tukʼike+xchiʼuk xojobinajem xkuxetel oʼontonal ta stojolal li buchʼutik tukʼ yoʼontonike. 12  Voʼoxuk ti tukʼ avakʼoj abaike, kuxetuk avoʼontonik ta stojolal Jeovaxchiʼuk kʼupil kʼoptabeik li xchʼul bie.*

Tsʼibetik ta yok vun

O «ikʼpulan».
O «saktsel».
Yaʼeluke, jaʼ skʼoplal ti bu tskʼej spomik li chanul pom ti anil snaʼ x-unije.
O «ichʼik ta mukʼ».
Literal «stsebetak».
O «sjuʼel».
Literal «li xchʼul naʼobile».