Salmos 90:1-17

  • Te oy-o sbatel osil li Diose, pe li krixchanoe muʼyuk jal chkuxi

    • Li jmil jabile xkoʼolaj kʼuchaʼal volje (4)

    • 70 o 80 jabil chkuxi li krixchanoe (10)

    • «Chanubtasunkutik kʼuxi xuʼ jtuneskutik lek li jkʼakʼalilkutike» (12)

S-orasion Moises ti jaʼ yajtunel li melel Diose.+ 90  Kajval Jeova, voʼot kʼotemot ta jnaklebkutik*+ ti jaykʼol kuxlejal ch-echʼe.   Kʼalal muʼyuk toʼox ch-ayan li vitsetikeo kʼalal muʼyuk toʼox apasoj* li balumil xchiʼuk li osil ti bu xchʼi lek kʼusitike,+voʼot onoʼox Diosot, muʼyuk alikeb xchiʼuk muʼyuk apajeb.+   Voʼot chavakʼ sutuk batel ta pukuk* li vinik ti snaʼ xchame;xi chavale: «Xnichʼnab krixchanoetik, sutanik batel ta pukuk».+   Yuʼun li jmil jabile xkoʼolaj chavil kʼuchaʼal li jun kʼakʼal jelav voljee,+xkoʼolaj kʼuchaʼal jayib noʼox ora* ta akʼobaltik.   Chames batel;+ jech chchʼay batel skʼoplalik kʼuchaʼal vaychil;ta sobe xkoʼolajik kʼuchaʼal tsʼiʼlel ti chvokʼ tale.+   Li ta sobe, chnichin xchiʼuk ch-epaj,pe tsluspʼij ta mal kʼakʼal xchiʼuk chtakij.+   Yuʼun chkichʼkutik lajesel li ta skʼakʼal avoʼontone+xchiʼuk chkichʼkutik sibtasel yuʼun li skapemal ajole.   Te avakʼoj lek ta aveloval li jpaltailkutike;*+li kʼusi mukul kuʼunkutike chvinaj ta skoj li xojobal asate.+   Chjutukaj jkʼakʼalilkutik* ta skoj li skʼakʼal avoʼontone;li jabilalkutike chlaj noʼox kʼuchaʼal jikʼ oʼonton. 10  Ti kʼu sjalil chikuxikutike jaʼ 70 jabil,o 80 jabil+ chkuxi li buchʼu lek tsotse.* Pe noj ta vokolil xchiʼuk ta vul oʼonton;anil chjelav xchiʼuk j-echʼel chibatkutik-o.+ 11  ¿Buchʼu la xaʼibe smelolal stsatsal li skʼakʼal avoʼontone? Toj echʼ xa noʼox li skʼakʼal avoʼonton jech kʼuchaʼal toj echʼ xa noʼox xata-o xiʼtaele.*+ 12  Chanubtasunkutik kʼuxi xuʼ jtuneskutik lek li jkʼakʼalilkutike*+sventa xuʼ xpʼijub li koʼontonkutike. 13  ¡Kajval Jeova, sutan tal!+ ¿Kʼu to van sjalil chajalij?+ Kʼuxubajuk ta avoʼonton li avajtuneltake.+ 14  Li ta sobe, akʼbunkutik li tukʼil kʼanelal avuʼune,+sventa xi-avankutik ta muyubajel xchiʼuk xkuxetuk noʼox koʼontonkutik+ ti jayib kʼakʼal kuxulunkutike. 15  Ti kʼu sjalil laj kil jvokolkutik avuʼune+ jechuk sjalil xkuxet koʼontonkutik,ti jayib jabil kiloj tal jvokolkutike+ jechuk sjalil xkuxet koʼontonkutik. 16  Akʼo yilik avabtel li avajtuneltakexchiʼuk akʼo yilik amukʼulal li anichʼnabtake.+ 17  Liʼ oyuk ta jtojolalkutik slekil yoʼonton li Jeova Dios kuʼunkutike;akʼo lekuk xkʼot ta pasel avuʼun* li yabtel jkʼobkutike, jech, lekuk xkʼot ta pasel avuʼun* li yabtel jkʼobkutike.+

Tsʼibetik ta yok vun

O jaʼ van skʼoplal «jnakʼobbailkutik».
O «avakʼoj ayanuk jech kʼuchaʼal xkʼuxul alajel».
O «lum».
O «jkoj chabivanej».
O «Anaʼoj lek li jchopolilkutike».
O «Chjutukaj jkuxlejalkutik».
O «ta skoj ti lek tsots yipe».
Kʼelo Glosario, xiʼtael Dios.
Literal «Chanubtasunkutik kʼuxi ta chapel li jkʼakʼalilkutike».
O «nakano lek».
O «nakano lek».