Salmos 9:1-20
Sventa bankilal jtijson sventa mut-laben.* Skʼejimol David.
א [alef]
9 Ta sjunul koʼonton ta jkʼupil kʼoptaot, Kajval Jeova;chkalbe skʼoplal skotol li kʼusi toj labalik xa noʼox sba apasoje.+
2 Chimuyubaj xchiʼuk xkuxet tajek koʼonton ta atojolal;ta jkʼupil kʼopta ta kʼejimoletik* li abie, voʼot ti Buchʼu toj toyol oyote.+
ב [bet]
3 Kʼalal chjatavik sutel li kajkontratake,+tsmak* yakanik xchiʼuk te akʼeloj chlajik.
4 Yuʼun la achapanun xchiʼuk la apakbun jkʼoplal;te chachoti ta achotleb sventa ajvalil yoʼ tukʼ xachapanvan.+
ג [guimel]
5 Tsots laj avalbe mantal li mukʼtik lumetike+ xchiʼuk alajesoj li buchʼutik toj chopolike,la atupʼbe sbiik sbatel osil.
6 Yichʼoj lajesel sbatel osil li jkontrainvaneje;chalajesbe li slumalikexchiʼuk chichʼik chʼayel-o ta jolil.+
ה [e]
7 Pe li Jeovae sbatel osil te chchoti ta xchotleb sventa ajvalil;+staoj lek yav li xchotleb sventa ajvalil yoʼ tukʼ xchapanvane.+
8 Tukʼ chchapan li jnaklejetik ta balumile;*+tukʼ li kʼusi chkʼot ta nopel yuʼun ta sventa li jteklumetike.+
ו [waw]
9 Li buchʼutik ilbajinbilike chkʼot ta slekil nakʼobbailik li Jeovae,+jun lekil nakʼobbail li ta yorail vokolile.+
10 Tspat yoʼontonik ta atojolal li buchʼutik xojtikinik abie;+mi jaʼuk onoʼox bu chavikta komel li buchʼutik tsaʼoxuke, Kajval Jeova.+
ז [sayin]
11 Kʼupil kʼoptaik ta kʼejimoletik li Jeova ti te nakal ta Sione;akʼik ta ojtikinel ta stojolal jteklumetik li kʼusitik spasoje.+
12 Tsvules ta sjol li buchʼutik chil svokolike xchiʼuk tspakbe skʼoplal li xchʼichʼelike.+Muʼyuk bu chchʼay ta sjol ti xvokoletik tskʼanik koltaele.+
ח [jet]
13 Akʼo ta ilel slekil avoʼonton ta jtojolal, Kajval Jeova; kʼelavil li jvokol yakʼojik li buchʼutik spʼajojikune,voʼot ta xatoyun likel kʼalal ta tiʼ chʼen xa oyune,+
14 sventa xkal batel ta stiʼtak jteklum* Sion+ ti sta-o kʼupil kʼoptael li kʼusitik chapasexchiʼuk sventa ximuyubaj yuʼun li kʼusitik apasoj sventa xakoltavane.+
ט [tet]
15 Jaʼ te och batel stukik li mukʼtik lumetik li ta chʼen la sjokʼike;te la xchuk sba yakan stukik li ta petsʼ la spasike.+
16 Ojtikinbil li Jeova ta skoj ti kʼu yelan chchapanvane.+
Ta yabtel noʼox skʼob stuk chchuk sba ta chʼojon li buchʼu toj chopole.+
(Igayon.* Sela).
י [yod]
17 Mukinal* skʼelojik batel li buchʼutik toj chopolike,skotol li mukʼta lumetik ti xchʼayoj ta sjolik li Diose.
18 Pe muʼyuk bu chichʼ chʼayel ta jolil skotol ora li povreetike;+mi jaʼuk bu chchʼay skʼoplal spatobil yoʼontonik li manxoetike.+
כ [kaf]
19 ¡Totsan tal, Kajval Jeova! Mu xavakʼ ti jaʼ akʼo spas kanal li jun krixchano ti snaʼ xchame.
Teuk akʼeloj chichʼ chapanel li mukʼtik lumetike.+
20 Kajval Jeova, akʼo xiʼikuk,+akʼo snaʼik li mukʼtik lumetik ti jaʼik noʼox krixchanoetik ti snaʼ xchamike. (Sela).
Tsʼibetik ta yok vun
^ O «ta jtijbe sonetik».
^ O «chtʼab».
^ O «li balumil ti bu xchʼi lek kʼusitike».
^ Literal «stseb».
