Salmos 86:1-17

  • Mu xkoʼolaj ta yan dios li Jeovae

    • Chapal sventa xchʼay mulil li Jeovae (5)

    • Skotol li mukʼta lumetike chichʼik mukʼ Jeova (9)

    • «Chanubtasun ta sventa li abee» (11)

    • «Pasbun ta jun koʼonton» (11)

S-orasion David. 86  Kajval Jeova, tsʼetano achikin* xchiʼuk takʼbun,yuʼun chkil jvokol xchiʼuk abol jba.+   Chabibun jkuxlejal ta skoj ti tukʼ kakʼoj jba ta atojolale.+ Koltaun ti voʼon avajtunelune, yuʼun jpatoj koʼonton ta atojolal,yuʼun voʼot Jdiosot.+   Kajval Jeova, akʼo ta ilel slekil avoʼonton ta jtojolal,+yuʼun skotol kʼakʼal xivokolet ta atojolal.+   Kajval Jeova, akʼo muyubajkun avuʼun ti voʼon avajtunelune,yuʼun voʼot ta jkʼoponot tal.   Kajval Jeova, yuʼun toj lek avoʼonton+ xchiʼuk chapalot sventa xachʼay mulil,+toj ep tukʼil kʼanelal avuʼun ta stojolal li buchʼutik xvokoletik ta atojolale.+   Kajval Jeova, chikintao li j-orasionexchiʼuk tsʼet chikintao ti xivokolet ta jkʼan koltaele.+   Ta jkʼanbot vokol kʼalal jaʼo oy jvokole,+yuʼun chatakʼbun.+   Kajval Jeova, mu xakoʼolaj xchiʼuk li yan diosetike,+muʼyuk buchʼu spas yuʼun li kʼusitik apasoje.+   Kajval Jeova, skotol li mukʼta lumetik la apasechtalik xchiʼuk tsnijan sbaik ta atojolal,+vaʼun chalbeik smukʼulal li abie.+ 10  Yuʼun toj echʼ xa noʼox amukʼul xchiʼuk labalik sba li kʼusitik apasoje;+yuʼun voʼot noʼox atuk Diosot.+ 11  Kajval Jeova, chanubtasun ta sventa li abee.+ Jaʼ te ta jtam-o batel sbelel li kʼusi melel avuʼune.+ Pasbun ta jun koʼonton* sventa jxiʼta* li abie.+ 12  Kajval Jeova, Dios kuʼun, ta jkʼupil kʼoptaot ta sjunul koʼonton+xchiʼuk ta jtoybe skʼoplal abi ta sbatel osil, 13  yuʼun toj mukʼ li tukʼil kʼanelal avuʼun ta jtojolale xchiʼuk akoltaoj lokʼel jkuxlejal* sventa mu xbat li ta yutil to Mukinale.*+ 14  Dios kuʼun, oy jtoyba viniketik ti chtal skontrainikune;+jtsop krixchanoetik ti muʼyuk xkʼuxul yoʼontonik ti tskʼan tsmilikunexchiʼuk ti muʼyuk yichʼojoxuk ta mukʼe.*+ 15  Kajval Jeova, yan li voʼote jkʼuxubinvanej Diosot xchiʼuk oy slekil avoʼonton,mu ta aniluk chlik skʼakʼal avoʼonton xchiʼuk oy tajek avuʼun tukʼil kʼanelal xchiʼuk tukʼ tajek chavakʼ aba.*+ 16  Kʼelun talel xchiʼuk akʼo ta ilel slekil avoʼonton ta jtojolal.+ Akʼbun jtsatsal+xchiʼuk koltaun ta skoj ti chitun ta atojolal jech kʼuchaʼal la spas li jmeʼe. 17  Akʼbun senyail* slekil avoʼontonsventa xilik li buchʼutik spʼajojikune xchiʼuk sventa xichʼik kʼexlaltasel. Kajval Jeova, yuʼun voʼot jkoltavanejot kuʼun xchiʼuk voʼot chapatbun koʼonton.

Tsʼibetik ta yok vun

O «nijano aba sventa xachikintabun».
O «Akʼbun jun oʼontonal ti muʼyuk chʼakal».
Kʼelo Glosario, xiʼtael Dios.
Li ta ebreo kʼope jaʼ nefex. Kʼelo Glosario, nefex.
O «Seole», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.
O «muʼyuk yakʼojot ta yelovalike».
O «xchiʼuk melel».
O «skʼelobil».