Salmos 85:1-13
Sventa bankilal jtijson. Skʼejimol xnichʼnabtak Kore.+
85 Kajval Jeova, avakʼoj ta ilel ti lek chavil li alumale;+laj avikʼ sutel tal li xnichʼnabtak Jakob ti chukbilik toʼox batele.+
2 Achʼayojbe spaltail* li ateklumale;laj avakʼbe perton* skotol li smulike.+ (Sela).
3 La apajes skotol li skʼakʼal avoʼontone;lanamaj ta stojolal li skapemal ajole.+
4 Dios ti voʼot jkoltavanejot kuʼunkutike, chʼamunkutik yan velta*xchiʼuk mu xa xa-ilin ta jtojolalkutik.+
5 ¿Mi yuʼun ta sbatel osil cha-ilin-o ta jtojolalkutik?+
¿Mi te oy-o skʼakʼal avoʼonton akʼo mi x-echʼ jaykʼoluk kuxlejal?
6 ¿Mi yuʼun muʼyuk chavakʼ chikuxikutik yan veltasventa xmuyubaj ta atojolal li ateklumale?+
7 Kajval Jeova, akʼo kilkutik li tukʼil kʼanelal avuʼune+xchiʼuk koltaunkutik.
8 Ta jchikinta kʼusi chal li melel Dios Jeovae,yuʼun jaʼ chalbe skʼoplal jun oʼontonal ta sventa li steklumale,+ li buchʼutik tukʼ chakʼ sbaik ta stojolale,pe mu me xavakʼ ti stoy sbaik yan veltae.+
9 Ta melel, nopol oy kolebal ta stojolalik li buchʼutik chiʼtaik* Diose,+jech oxal chakʼ ta ilel smukʼulal li ta jlumaltike.
10 Li tukʼil kʼanelal xchiʼuk tukʼilale ta stsob sbaik;li kʼusi tukʼe xchiʼuk li jun oʼontonale ta stsʼutsʼ* sbaik.+
11 Li tukʼilale chvokʼ tal ta balumilxchiʼuk kʼalal to ta vinajel chlik tal li kʼusitik tukʼe.+
12 Jech, ta xakʼ kʼusitik lek li Jeovae+
xchiʼuk li kosiltike chchʼi yuʼun li kʼusitik ta jtsʼuntike.+
13 Li kʼusi tukʼe jaʼ jbabe chbat yuʼun+xchiʼuk tspol batel jun be sventa te xanav.
Tsʼibetik ta yok vun
^ O «xchopolil».
^ Literal «la apixbe».
^ O «tsobunkutik yan velta».
^ O «ta sbutsʼ; ta stsʼutsʼun».
