Salmos 84:1-12

  • Oy tajek ta yoʼonton li axibalna yuʼun Dios ti jun yutsile

    • Li jlevi vinike tskʼan jechuk kʼuchaʼal jkot mut (3)

    • «Akʼo mi jun noʼox kʼakʼal te oyun li ta avamakʼe» (10)

    • «Jaʼ kʼakʼal xchiʼuk eskudo» li Diose (11)

Sventa bankilal jtijson; sventa guitit.* Skʼejimol xnichʼnabtak Kore.+ 84  Kajval Jeova ti bankilalot yuʼun soltaroetike,*¡toj echʼ xa noʼox jkʼanoj li axibalna avuʼun ti jun yutsile!+   Solel oy tajek ta koʼontonli yamakʼtak* Jeovae,jech, kʼunibemun xa ta skoj ti oy tajek ta koʼontone.+ Li koʼontone xchiʼuk li jbekʼtale x-avet ta muyubajel ta stojolal li kuxul Diose.   Te tsta sna li mut eke,te tspas stas li golondrinae*xchiʼuk te chchabi li yalabe,te nopol tspas li ta skajleb amoton ti jun yutsile, Kajval Jeova ti bankilalot yuʼun soltaroetike,Ajvalil kuʼun xchiʼuk Dios kuʼun.   ¡Xmuyubajik noʼox li buchʼutik te nakalik ta anae!+ Jech-o yakal tskʼupil kʼoptaikot.+ (Sela).   Xmuyubajik noʼox li buchʼutik te tsta stsatsalik ta atojolale,+ti oy ta yoʼontonik chbatik li ta sbelel anae.   Kʼalal te ch-echʼik li ta stenlejaltik Bakae,*xkoʼolaj xa kʼuchaʼal sat voʼetik* chilik;xchiʼuk kʼalal chakʼ voʼe, ta xpix* ta bendision.   Chanavik-o batel, pe muʼyuk chlaj yipik;+ta jujuntal chbat svaʼan sbaik ta stojolal Dios te ta Sion.   Kajval Jeova, Dios kuʼun ti bankilalot yuʼun soltaroetike, chikintao li j-orasione;Dios yuʼun Jakob, tsʼet chikintao. (Sela).   Kʼelavil, voʼot ti j-eskudootkutike*+ xchiʼuk ti Jdiosotkutike,*kʼelbo sat li buchʼu atʼujoje.+ 10  ¡Yuʼun akʼo mi jun noʼox kʼakʼal te oyun li ta avamakʼe,* jaʼ toj lek, jaʼ mu sta li jmil kʼakʼal te oyun ta yan partee!+ Jaʼ ta jkʼan ti te chitun* li ta yochebal sna li Jdiose,jaʼ mu jkʼan te xinaki ta skarpana li buchʼutik toj chopolike. 11  Yuʼun jaʼ kʼakʼal+ xchiʼuk eskudo*+ li Jeova Diose;chakʼ ta ilel slekil yoʼonton xchiʼuk smukʼulal. Li Jeovae muʼyuk tsjalanbe kʼusi lekli buchʼutik tukʼ yoʼonton chanavike.+ 12  Kajval Jeova ti bankilalot yuʼun soltaroetike,xmuyubaj noʼox li buchʼu tspat yoʼonton ta atojolale.+

Tsʼibetik ta yok vun

Kʼelo Glosario, guitit.
Kʼelo Glosario, Jeova ti bankilal yuʼun soltaroetike.
O «stiʼtak sna». Kʼelo Glosario, amakʼ.
O «xaval ekʼene».
O «stenlejaltik bikʼtal teʼetik bakae». Li jpʼel kʼop «bakae» te likem tal ta ebreo kʼop ti «okʼel» skʼan xale, mu stakʼ naʼel lek kʼu yelan li bikʼtal teʼetik taje.
O «nioʼetik».
O jaʼ van skʼoplal «li jchanubtasvaneje chpix sba».
O «jmakobbailotkutike».
O jaʼ van skʼoplal «Mukʼul Dios, kʼelavil li j-eskudokutike».
O «stiʼ anae».
Literal «chivechi».
O «makobbail».