Salmos 83:1-18

  • Tspas orasion kʼalal tstsak sbaik ta kʼop xchiʼuk yajkontratake

    • «Dios kuʼun, mu teuk noʼox tsʼijilot» (1)

    • Li jkontrainvanejetike xkoʼolajik ta tomalchʼix (13)

    • Li sbi Diose jaʼ Jeova (18)

Kʼejimol. Salmo yuʼun Asaf.+ 83  Dios kuʼun, mu teuk noʼox tsʼijilot;+Chʼul Dios, kʼopojan xchiʼuk oyuk kʼusi xapas.   Yuʼun xvochlajetik* li avajkontratake;+solel xtoyetik xa* li buchʼutik tspʼajikote.   Toj manya kʼu yelan tsnopik ta mukul sventa tskontrainik li ateklumale;chchap skʼopik ta skontrainel li ateklumal ti achabioje.*   Xi chalike: «Laʼik, jlajesbetik skʼoplal sjunul jteklum,+sventa mu xa xichʼ vulesel ta jolil li sbi Israele».   Jmoj snopojik li kʼusi tspasike;*jmoj xchapoj skʼopik* sventa tskontrainikot...+   li skarpana Edom xchiʼuk Ismaele, li Moab+ xchiʼuk snitilulal Agare,+   li Guebal, Ammon+ xchiʼuk Amaleke,li Filistea+ xchiʼuk li jnaklejetik ta Tiroe.+   Li Asiria+ eke tskoʼoltas skʼopik xchiʼukik;jaʼ tskoltaik* li xnichʼnabtak Lote.+ (Sela).   Jechuk xapasbe kʼuchaʼal la apasbe li Madiane,+jech kʼuchaʼal la apasbe li Sisara xchiʼuk Jabinli ta beoʼ* ta Sisone.+ 10  Laj yichʼik lajesel ta En-Dor;+kʼotik ta skʼaʼepal lumtik. 11  Jaʼuk jech xkʼotik kʼuchaʼal Oreb xchiʼuk Seeb+ li bankilaletik yuʼunikexchiʼuk jechuk xkʼotik kʼuchaʼal Seba xchiʼuk Salmuna+ li jnitvanejetik yuʼunike, 12  Yuʼun xi laj yalike: «Kuʼunintik li balumil ti bu nakal li Diose». 13  Dios kuʼun, jechuk xkʼot avuʼun kʼuchaʼal tomalchʼix* ti xbalalet batel ta ikʼe,*+jech kʼuchaʼal takin jobel ti kuchbil chbat ta ikʼe. 14  Jech kʼuchaʼal kʼokʼ ti chchikʼ teʼtikaltike,jech kʼuchaʼal sleb kʼokʼ ti chchikʼ vitsetike,+ 15  jechuk xanuts batel li ta tsatsal ikʼaloʼ avuʼune+xchiʼuk sibtaso li ta tsatsal ikʼ avuʼune.+ 16  Pixiluk* xkom satik ta kʼexlalsventa saʼik li abie, Kajval Jeova. 17  Akʼo yichʼik akʼel ta kʼexlal xchiʼuk akʼo yichʼik sibtasel ta sbatel osil;akʼo yichʼ bikʼtajesbel skʼoplalik xchiʼuk akʼo yichʼik lajesel; 18  akʼo snaʼik krixchanoetik ti jaʼ Jeova li abie,+ti voʼot noʼox atuk ti Buchʼu toj toyol oyot ta spʼejel balumile.+

Tsʼibetik ta yok vun

O «x-avlajetik».
O «tstoy sjolik».
Literal «li buchʼutik nakʼajtike».
Literal «Koʼol yoʼonton tsnopik».
O «stratoik».
Literal «kʼotemik ta skʼob».
O «beoʼ ta stenlejaltik».
O «chʼix nichim; sakil chʼix».
O «kʼuchaʼal tsʼiʼlel ti xbalalete».
Literal «Nojuk».