Salmos 82:1-8

  • Tskʼan ti tukʼ xichʼ chapanele

    • Li Diose te chchapanvan ta stojolal li diosetike (1)

    • Tspakbe skʼoplal li buchʼutik bikʼit yakʼoj sbaike (3)

    • «Li voʼoxuke diosoxuk» (6)

Skʼejimol Asaf.+ 82  Li Diose tsvaʼan sba sventa tsbeiltas li jkʼelvanejetik yuʼun steklumale;*+te chchapanvan ta stojolal li diosetike:*+   «¿Bakʼin to van ti muʼyuk tukʼ chachapanvanike+xchiʼuk ti jaʼ noʼox lek chavilik li buchʼutik toj chopolike?+ (Sela).   Pakbeik skʼoplal* li buchʼutik bikʼit yakʼoj sbaike xchiʼuk li ololetik ti chamem stotike.+ Tukʼ xachapanik li buchʼutik mu xpak yuʼun skʼoplalike xchiʼuk li buchʼutik muʼyuk kʼusi x-ayan yuʼunike.+   Koltaik li buchʼutik bikʼit yakʼoj sbaike xchiʼuk li buchʼutik abol sbaike;pojik lokʼel ta skʼob li buchʼutik toj chopolike».   Li jchapanvanejetike mu snaʼik xchiʼuk mu xaʼibeik smelolal;+yakal chanavik ta ikʼal osil;skotol li snakleb balumile yakal chichʼ nikesel.+   «Xi kaloje: ‹Li voʼoxuke diosoxuk,*+akotolik jaʼ xnichʼnaboxuk li Buchʼu toj toyol oye.   Pe chachamik jech kʼuchaʼal li yan krixchanoetike;+xchiʼuk ¡chayalik ta lum jech kʼuchaʼal li yan jnitvanejetike!›».+   Dios kuʼun, totsan tal xchiʼuk chapano li balumile,+yuʼun jaʼ avuʼun skotol li mukʼtik lumetike.

Tsʼibetik ta yok vun

O «smukʼta tsobajel Dios».
O «ti xkoʼolajik ta diosetike».
O «Chapanik».
O «xakoʼolajik ta diosetik».