Salmos 77:1-20

  • Spasel orasion kʼalal jaʼo oy vokolile

    • Tsnopbe skʼoplal li yabteltak Diose (11, 12)

    • Dios, ¿buchʼu la xkoʼolaj smukʼul jech kʼuchaʼal li voʼote? (13)

Sventa bankilal jtijson; yuʼun Jedutun.* Skʼejimol Asaf.+ 77  Tsots xivokolet ta stojolal li Diose;ta jkʼanbe vokol li Diose, vaʼun chchikintabun.+   Ta jsaʼ Jeova kʼalal jaʼo yorail jvokole.+ Li ta akʼobaltike, muʼyuk spajeb jyeʼoj muyel jkʼob ta stojolal. Mu xa noʼox stakʼ patel koʼonton.   Xi-avet ta okʼel kʼalal ta jvules ta jol li Diose;+ta jvul tajek koʼonton xchiʼuk chlaj li kipale.+ (Sela).   Muʼyuk chavakʼ ti smutsʼ sba li jsate;mu xa jnaʼ kʼusi ta jpas xchiʼuk mu xa xuʼ xikʼopoj.   Li jnopbene tsnopbe skʼoplal li kʼakʼaletik ti voʼne xa yechʼel talele,+li jabiletik ti voʼne xa yechʼel talele.   Li ta akʼobaltike, chvul ta jol li jsone;*+ta jnopilanbe skʼoplal ta koʼonton;+ta jchaj ta saʼel skotol.   ¿Mi yuʼun ta sbatel osil chiktautik komel li Jeovae?+ ¿Mi muʼyuk xa van chakʼ ta ilel yan velta li slekil yoʼontone?+   ¿Mi muʼyuk xa chakʼ-o ta ilel li tukʼil kʼanelal yuʼune? ¿Mi mu xa jkʼoluk kuxlejal chil ti chkʼot ta pasel li kʼusi yaloje?   ¿Mi chʼayem xa ta sjol Dios sventa xakʼ ta ilel slekil yoʼonton+o mi muʼyuk xa van chakʼ ta ilel xkʼuxul yoʼonton ta skoj li skʼakʼal yoʼontone? (Sela). 10  Xi chkalilan-oe: «Jaʼ ta jvul-o koʼonton* liʼe:+ muʼyuk xa tskoltautik li Buchʼu toj toyol oye». 11  Ta jvules ta jol li yabteltak Jeovae;*ta jvules ta jol li kʼusitik labalik sba apasoj ta voʼnee. 12  Ta jnopbe skʼoplal skotol li avabteltakexchiʼuk ta jnopbe skʼoplal li atratotake.+ 13  Dios kuʼun, chʼul li abetake. Dios, ¿buchʼu yan dios xkoʼolaj smukʼul jech kʼuchaʼal li voʼote?+ 14  Voʼot li melel Diosot ti labalik sba kʼusitik chapase.+ Avakʼojbe yil jteklumetik li atsatsale.+ 15  Ta ajuʼel* la apoj* lokʼel tal li ateklumale,+jaʼ li xnichʼnab Jakob xchiʼuk Josee. (Sela). 16  Dios kuʼun, laj yilot li voʼe;laj yilot li voʼe, vaʼun lik bakʼuk.+ Xchiʼuk lik syukʼilan sba li natil voʼe. 17  La smal tal voʼ li toke. Xkʼavlajet noʼox likel li vinajel ti makal ta tokexchiʼuk ta buyuk noʼox xjaplajet* kʼuchaʼal flecha li asaksevule.*+ 18  Li yechʼomal achauke+ xkoʼolaj kʼuchaʼal li yechʼomal syantailtak karetaetike;li saksevul* ti xjaplajet* noʼoxe sakub yuʼun li balumil ti bu oy yajvale;*+nik li balumile xchiʼuk la syukʼilan sba.+ 19  Jaʼ kʼot ta abe li nabe,+jaʼ te lajelav li ta natil voʼe;pe muʼyuk buchʼu tʼun* yuʼun li yav avakane. 20  Voʼot la abeiltas kʼuchaʼal jtsop chij li ateklumale,+jaʼ chabiatik yuʼun* li Moises xchiʼuk Aarone.+

Tsʼibetik ta yok vun

Kʼelo Glosario, Jedutun.
O «son ti tijbil ta stijobil son ti oy yakʼiltake».
O «Jaʼ ta xchʼochʼomtaun».
Literal «Jae». Taje jaʼ skomkom bi li Jeovae.
Literal «akʼob».
Literal «la aman».
O «stsʼaylajet».
O «asaktsele».
O «saktsel».
O «stsʼaylajet».
O «li ta balumil ti bu xchʼi lek kʼusitike».
O «chaj».
Literal «ta skʼob».