Salmos 76:1-12

  • Li Diose la stsal li yajkontratak Sione

    • Tskolta manxoetik li Diose (9)

    • Chichʼ bikʼtajesbel skʼoplal li jkontrainvanejetike (12)

Sventa bankilal jtijson; laj yichʼ tijel son ta stijobil ti oy yakʼiltake. Salmo yuʼun Asaf.+ Kʼejimol. 76  Ojtikinbil ta Juda li Diose;+ojtikinbil ta Israel li sbie.+   Te oy ta Salem li snakʼobbaile+xchiʼuk te oy ta Sion li snae.+   Te la skʼas li sflechail arko ti xtiltun* skʼakʼale,li eskudoe,* li espadae xchiʼuk li yan abtejebaletik sventa paskʼope.+ (Sela).   Xaxojobinaj tajek;*mas toj echʼ xa noʼox mukʼ akʼoplal, jaʼ mu sta li vitsetik ti oy teʼtikal chonbolometik tee.   Li buchʼutik oy lek stsatsal yoʼontonike pojbat li kʼusitik oy yuʼunike.+ Vayemik xa ta lajelal;mu xpak yuʼun skʼoplalik li soltaroetike.+   Dios yuʼun Jakob, ta skoj ti laj avakʼ kastigoe,vayik-o ta lajelal li jbeiltasej karetae xchiʼuk li kaʼe.+   Voʼot noʼox atuk ti toj echʼ xa noʼox labal abae.+ ¿Buchʼu xuʼ xkuch yuʼun ti toj echʼ xa noʼox li skʼakʼal avoʼontone?+   Ta vinajel to lachapanvan talel;+xiʼ li krixchanoetike xchiʼuk tsʼijil komik+   kʼalal tots sventa chchapanvan li Diose,sventa tskolta skotol li manxoetik ta balumile.+ (Sela). 10  Yuʼun li skapemal sjol krixchanoe chtun sventa akʼupil kʼoptael;+li skomenal* skapemal sjolike chakʼupiltas-o aba. 11  Kʼalal chavalbeik Jeova Dios ti oy kʼusi chapasike, kʼotuk ta pasel avuʼunik,+akotolik ti te joyoloxuk ta spat xokone, ichʼbeik talel smoton ta skoj ti axiʼtaojike.*+ 12  Ta sbikʼtajesbe skʼoplal li stoyobbail jnitvanejetike;xiʼtabil yuʼun li ajvaliletik ta balumile.

Tsʼibetik ta yok vun

O «xloklun; xpulpun».
O «makobbaile».
O «Pixilot ta sakil osil».
O «skomelal».
Kʼelo Glosario, xiʼtael Dios.