Salmos 75:1-10
-
Tukʼ chchapanvan li Diose
-
Li buchʼutik toj chopolike chuchʼbeik sbel skopa li Jeovae (8)
-
Sventa bankilal jtijson. Chapanbil ta sventa kʼejimol «Mu xajines». Salmo yuʼun Asaf.+ Kʼejimol.
75 Dios, chkalbotkutik kolaval, chkalbotkutik kolaval;nopol oy ta jtojolalkutik li abie+xchiʼuk li krixchanoetike ta xalbeik batel skʼoplal li kʼusi toj labalik sba apasoje.
2 Xi chavale: «Kʼalal mi sta yorail kuʼune,tukʼ chichapanvan.
3 Kʼalal nik li balumil xchiʼuk skotol li buchʼutik te nakajtike,voʼon la jtsatsubtasbe li yoyaltake». (Sela).
4 Xi chkalbe li jtoybaetike: «Mu xatoy abaik»,
xchiʼuk xi chkalbe li buchʼutik toj chopolike: «Mu xatoybe skʼoplal li atsatsalike.*
5 Mu xatoybe muyel skʼoplal li atsatsalike*mi jaʼuk xatoyetikuk xa xakʼopojik.
6 Yuʼun li ichʼel ta mukʼe mu teuk chlik talta slokʼeb kʼakʼal, mi jaʼuk ta smaleb kʼakʼal, mi jaʼuk ta sur.
7 Yuʼun jaʼ Jchapanvanej li Diose.+
Jaʼ tsbikʼtajesbe skʼoplal li jun vinike xchiʼuk jaʼ tstoybe skʼoplal li yane.+
8 Yuʼun te stsakoj ta skʼob jun kopa li Jeovae;+oy tajek svok li vinoe xchiʼuk akʼbil lek skaptak.
Ta melel, tsmal yalel tal,vaʼun skotol li buchʼutik toj chopolik ta balumile chuchʼbeik kʼalal ta stsʼubil».+
9 Yan li voʼone chkalbe batel skʼoplal ta sbatel osil;ta jkʼupil kʼopta ta kʼejimoletik* li Dios yuʼun Jakobe.
10 Yuʼun xi chale: «Ta jlajesbe skotol stsatsalik* li buchʼutik toj chopolike,pe chichʼ toybel skʼoplal stsatsalik* li buchʼutik tukʼ yakʼoj sbaike».
Tsʼibetik ta yok vun
^ Literal «axulubike».
^ Literal «axulubike».
^ O «ta jtijbe sonetik».
^ Literal «xulubik».
^ Literal «xulubik».
