Salmos 7:1-17

  • Tukʼil Jchapanvanej li Jeovae

    • «Chapanun, Kajval Jeova» (8)

Son David sventa at-oʼonton* ti la skʼejintabe Jeova ta sventa li kʼusi laj yal Kus ti jaʼ snitilulal Benjamine. 7  Kajval Jeova, Dios kuʼun, te jsaʼoj jnakʼobbail ta atojolal.+ Koltaun lokʼel ta stojolal li buchʼutik tskontrainikune xchiʼuk pojun lokʼel.+   Yuʼun mi moʼoje, tslilinikun ta tiʼel jech kʼuchaʼal tspas li jkot leone,+chikʼikun batel kʼalal muʼyuk buchʼu xuʼ xbat spojun tale.   Kajval Jeova, Dios kuʼun, mi oy kʼusi chopol jpasoje,mi oy kʼusi muʼyuk tukʼ jpasoje,   mi chopol kʼusi jpasojbe li buchʼu lek kʼusi tspasbune+o mi ta jech noʼox oy kʼusi la jpojbe li kajkontrae,*   vaʼun bi, akʼo snutsun li kajkontrae xchiʼuk akʼo staun ta be;akʼo xpechʼbun ta tekʼel ta lumtik li jkuxlejalexchiʼuk akʼo te lajuk skʼoplal ta pukuktik* li jmukʼulale. (Sela).   Ta skʼakʼaluk avoʼonton totsan tal, Kajval Jeova;vaʼlan tal ta skontrainel li skapemal sjol kajkontrae;+likan tal sventa xakoltaun, alo mantal ti akʼo xkichʼ chapanele.+   Akʼo sjoyobtaot li mukʼtik lumetike;vaʼun te to ta toyol chakontrain tal.   Chal Jeova kʼusi chkʼot ta stojolalik li jteklumetike.+ Chapanun, Kajval Jeova, tsako ta venta li kʼusitik tukʼ jpasojexchiʼuk li stukʼil koʼontone.+   Avokoluk, lajesbo skʼoplal li kʼusitik chopol tspasik li buchʼutik toj chopolike. Pe jaʼ staojuk-o yav avuʼun li buchʼu tukʼe,+yuʼun jaʼot li tukʼil Dios+ ti chachaj ta kʼelel jnopbenkutik+ xchiʼuk ti kʼu yelan chkaʼi ta yutil to koʼontonkutike.*+ 10  Jaʼ j-eskudo*+ li Diose, jaʼ Jkoltavanej yuʼun li buchʼutik tukʼ yoʼontonike.+ 11  Tukʼil Jchapanvanej li Diose,+skotol kʼakʼal chalbe kʼusi chkʼot ta stojolal li buchʼu toj chopolike. 12  Mi oy buchʼu muʼyuk la sutes yoʼontone,+ li Diose chjuxbe ye s-espada;+tslapʼun lek li s-arkoe xchiʼuk chchapan.+ 13  Chchapan lek li yabtejeb ti chmilvane;chchapan lek li sflecha ti tsanem skʼakʼale.+ 14  Kʼelavil li buchʼu xchiʼinoj ta yalajeb li choplejal ti xkoʼolaj kʼuchaʼal xchiʼinoj jun olole;tikʼil ta yalajeb li vokolile, vaʼun ch-ayan yuʼun jutbil kʼopetik.*+ 15  Tsjokʼ yalel chʼen xchiʼuk nat tsjokʼ,pe jaʼ te chpʼaj* yalel stuk li ta chʼen la sjokʼe.+ 16  Jaʼ chkʼot ta sjol stuk li vokolil chakʼe,+ta xbochil sjol chkʼot li simaronile. 17  Ta jkʼupil kʼopta Jeova ta skoj li stukʼilale+xchiʼuk ta jkʼupil kʼopta ta kʼejimoletik* li sbi Jeova+ ti jaʼ li Buchʼu toj toyol oye.+

Tsʼibetik ta yok vun

Kʼelo Glosario, son sventa at-oʼonton.
O jaʼ van skʼoplal «kʼalal muʼyuk laj kakʼbe svokol li buchʼu jecheʼ tskontrainune».
O «lumtik».
Literal «koʼontonkutik xchiʼuk jrinyonkutike».
O «jmakobbail».
O «nopbil kʼopetik; epal kʼopetik».
O «tstsʼuj».
O «ta jtijbe sonetik».