Salmos 66:1-20

  • Toj echʼ xa noʼox labal sba li kʼusitik spasoj Diose

    • «Laʼik xchiʼuk kʼelavilik li yabteltak Diose» (5)

    • Ta jpas li kʼusi kakʼoj ke ta jpase (13)

    • Chchikinta orasion li Diose (18-20)

Sventa bankilal jtijson. Kʼejimol. Salmo. 66  Akotolik jnaklejetik ta balumil,+ avananik ta muyubajel xchiʼuk kʼupil kʼoptaik li Diose.   Kʼupil kʼoptabeik ta kʼejimoletik* li sbi ti jun smukʼule. Kʼupil kʼoptaik xchiʼuk albeik yutsilal.+   Xi xavalbeik li Diose: «¡Toj echʼ xa noʼox labal sba li kʼusitik apasoje!+ Ta skoj ti toj echʼem li ajuʼele,smutsetik xa ta xiʼel ta atojolal li avajkontratake.+   Skotol li krixchanoetik ta balumile tskejan sbaik ta atojolal;+tskʼupil kʼoptaoxuk ta kʼejimoletik;tskʼupil kʼoptaik ta kʼejimoletik li abie».+ (Sela).   Laʼik xchiʼuk kʼelavilik li yabteltak Diose. Toj echʼ xa noʼox labalik sba li kʼusitik spasoj ta stojolal li steklumale.+   La spas ta takin balumil li nabe;+ta yakan echʼ xtuchʼik li ukʼume.+ Te lijmuyubaj ta skoj li kʼusi la spas ta jtojolaltike.+   Jaʼ ch-ajvalilaj sbatel osil+ ta skoj sjuʼel. Te oy-o sat ta stojolal li mukʼtik lumetike.+ Muʼyuk tstoy sbaik jechuk li buchʼutik pimik ta mantale.+ (Sela).   Jteklumetik, jkʼupil kʼoptatik li Jdiostikexchiʼuk tsotsuk jkʼupil kʼoptatik.+   Jaʼ kuxulutik yuʼun;+muʼyuk chakʼ ti xmak* kakantike.*+ 10  Dios kuʼun, yuʼun achajojunkutik ta kʼelel;+jech alekubtasojunkutik kʼuchaʼal plata ti lekubtasbile. 11  La atikʼunkutik ta jun petsʼ ti chyakvane;la akajanbunkutik jun alal ikatsil ta jbakutik.* 12  Laj avakʼ ti sjuʼilanunkutik ta tekʼel li krixchano ti snaʼ xchame;lijelavkutik ta kʼokʼ xchiʼuk ta voʼ;vaʼun laj avikʼunkutik tal ti bu jun koʼontonkutike. 13  Chkichʼ batel skotlej chikʼbil matanal kʼalal chi-och ta anae;+ta jpas li kʼusi kakʼoj ke ta jpas+ 14  ti lokʼ ta ke jech ta jpase+xchiʼuk ti kʼusi laj yal kekʼalal jaʼo oy jvokole. 15  Ta xkakʼbot ta chikʼbil matanal li chonbolometik ti lek jupʼemikexchiʼuk li xchʼailal* chikʼbil tot chijetike. Ta xkakʼbot tot vakaxetik xchiʼuk tot tentsunetik. (Sela). 16  Laʼik xchiʼuk chikintaik, akotolik li voʼoxuk ti axiʼtaojik* Diose,vaʼun chkal avaʼiik kʼusi spasoj ta jtojolal li Diose.+ 17  La jta ta kʼoponel ta kexchiʼuk la jkʼupil kʼopta ta kokʼ. 18  Ti oyuk kʼusi chopol jtikʼoj ta koʼontone,muʼyuk laj yaʼibun jechuk li Jeovae.+ 19  Pe laj yaʼibun li Diose;+la xchikintabun li j-orasione.+ 20  Kʼupil kʼoptaik li Dios ti jaʼ li buchʼu muʼyuk la spʼaj li j-orasionexchiʼuk mi jaʼuk la sjalanbun li tukʼil kʼanelal yuʼune.

Tsʼibetik ta yok vun

O «Tijbeik sonetik».
O «xtʼab».
O «ti xijtamlajete».
Literal «jchukbenalkutik».
O «xchʼayilal».
Kʼelo Glosario, xiʼtael Dios.