Salmos 65:1-13
Sventa bankilal jtijson. Salmo yuʼun David. Kʼejimol.
65 Dios kuʼun, te malabilot ta Sion sventa xavichʼ kʼupil kʼoptael;+chkʼot ta pasel kuʼunkutik li kʼusi kakʼoj kekutik ta jpaskutik ta atojolale.+
2 Voʼot ti chachikinta orasione, buchʼuuk noʼox krixchanoal chtal ta atojolal.+
3 Mu xa jnaʼ kʼusi ta jpas yuʼun li jpaltaile,*+pe voʼot chapas perton li jmulkutike.+
4 Xmuyubaj noʼox li buchʼu atʼujoje xchiʼuk ti chanopajes tal ta atojolalsventa te chnaki li ta avamakʼe.*+
Jun koʼonton chikomkutik yuʼun li slekil avoʼonton ta anae,+li ta achʼul temploe.+
5 Dios kuʼun, voʼot ti jkoltavanejot kuʼunkutike,kʼalal chatakʼ jkʼopkutike, oy kʼusitik tukʼ chapas ti labalik sbae,+spatoj yoʼontonik ta atojolal skotol li jnaklejetik kʼalal to spajeb balumile+xchiʼuk li buchʼutik nom nakalik ta jot nabe.
6 Ta ajuʼel la anakan lek li vitsetike;akʼuʼinoj li juʼelale.+
7 Voʼot chapajes li nab kʼalal xyukʼlajet tajeke,+kʼalal xvaʼi xkoti noʼoxe xchiʼuk ti kʼu yelan xvochlajetik* noʼox li mukʼtik lumetike.+
8 Li jnaklejetik ta namal lumetike chiʼik ta skoj li senyailtak chavakʼ ta ilele;+x-avanik noʼox ta muyubajel avuʼun li krixchanoetikti bu chlokʼ tal kʼakʼale xchiʼuk ti bu chmal batel kʼakʼale.
9 Oy ta avoʼonton li balumile,oy kʼusi lek xchʼi avuʼun te xchiʼuk ep kʼusitik x-ayan.+
Voʼot la anojesbe yaʼlel li beoʼe;voʼot chavakʼbe sveʼel li krixchanoetike,+yuʼun jaʼ jech la achapan li balumile.
10 Chatʼuxubtasbe lek li surkoaltake* xchiʼuk chapas ta parejo ti bu lokbile.*Chakʼunibtas kʼalal chakʼ voʼe; chavakʼbe bendision li balumil sventa xvokʼ tal xchiʼuk xchʼi tal li kʼusi chichʼ tsʼunele.+
11 Chavakʼbe lek abendision li jabil liʼe, xkoʼolaj kʼuchaʼal chaxojbe skorona,yuʼun ti bu chaxanave lek noʼox yox chkom avuʼun.+
12 Yaxbalan noʼox* li yaxaltik ta takixokol balumile+xchiʼuk skʼuʼinoj xkuxetel oʼontonal li vitsetike.+
13 Lamal noʼox xchijal li yaxaltikexchiʼuk pixil* ta trigo li stenlejaltike.+
X-avlajetik noʼox ta muyubajel, jech, xkʼejinik noʼox.+
Tsʼibetik ta yok vun
^ O «li jchopolile».
^ O «x-avlajetik».
^ O «sjiloaltake; xcholaviltake».
^ O «ti bu bujajtike».
^ O «Lek noʼox yox».
^ O «nojem».
