Salmos 61:1-8

  • Li Diose jaʼ jun tsatsal tayal kʼelob osil

    • Te chinaki-o li ta akarpanae (4)

Sventa bankilal jtijson; laj yichʼ tijel son ta stijobil ti oy yakʼiltake. Salmo yuʼun David. 61  Dios kuʼun, chikintao ti xi-avet ta jkʼanbot akʼo xakoltaune. Ta melel, tsʼet chikintao li j-orasione.+   Kʼalal to spajeb balumil xi-avet ta jkʼoponot talkʼalal mu xa snaʼ kʼusi tspas* li koʼontone.+ Beiltasun batel ta junuk mukʼta ton ti mas to toyol kʼuchaʼal voʼone.+   Yuʼun voʼot jnakʼobbailot,jun tsatsal tayal kʼelob osil ti chchabiun ta stojolal li kajkontrae.+   Te chinaki-o sbatel osil li ta akarpanae;+te ta jta jnakʼobbail ta yolon axikʼ.+ (Sela).   Yuʼun li voʼote, Dios kuʼun, achikintaoj li kʼusi kakʼoj ke ta jpase. Avakʼoj jrextoin* li kʼusi chuʼuninik li buchʼutik xiʼtaojik* abie.+   Chanatubtasbe xkuxlejal* li ajvalile+xchiʼuk ti kʼu sjalil kuxule te oy-o akʼo mi x-echʼ jaykʼoluk kuxlejal.   Sbatel osil te chchoti* ta chotlebal sventa ajvalil ta yeloval Dios;+akʼbo tukʼil kʼanelal xchiʼuk tukʼ xavakʼ aba sventa jaʼ xchabiat.+   Vaʼun, ta jkʼupil kʼopta ta kʼejimoletik* abi sbatel osil+kʼalal ta jpas jujun kʼakʼal li kʼusi kakʼoj ke ta spasele.+

Tsʼibetik ta yok vun

O «kʼalal chkʼunib».
O «ta jpukulal; jpartein».
Kʼelo Glosario, xiʼtael Dios.
Literal «skʼakʼalil».
O «chnaki».
O «ta jtijbe sonetik».