Salmos 55:1-23

  • Tspas orasion kʼalal valopatinat yuʼun yamigoe

    • Tsaʼat ta kʼop yuʼun li slekil amigoe (12-14)

    • «Akʼbo sbain Jeova li avikatse» (22)

Sventa bankilal jtijson; laj yichʼ tijel son ta stijobil ti oy yakʼiltake. Maskil.* Salmo yuʼun David. 55  Dios kuʼun, chikintao li j-orasione+xchiʼuk mu teuk noʼox akʼeloj ti xivokolet ta jkʼan akʼo xakʼuxubinune.*+   Ta melel, tsʼet chikintao xchiʼuk takʼbun.+ Solel mu junuk koʼonton yuʼun li kʼusi ta jvul-o koʼontone+xchiʼuk mu xa jnaʼ kʼusi ta jpas   ta skoj li kʼusi chalik kajkontratakexchiʼuk ti chakʼ jvokol li buchʼu toj chopole. Yuʼun tsbusanbeikun ta jba li vokolilexchiʼuk ta skʼakʼal yoʼontonik spʼajojikun-o.+   Mu xa snaʼ kʼusi tspas li koʼontone+xchiʼuk mu xa jnaʼ kʼusi ta jpas yuʼun li xiʼelal lajelale.+   Chtal ta jtojolal li xiʼel xchiʼuk li tʼeltʼunele*xchiʼuk solel alubemun.   Xi chkalilane: «¡Ati oyuk jxikʼ kʼuchaʼal palomae! Chivil batel xchiʼuk jun koʼonton bu chinaki jechuke.   ¡Kʼelavil! Nom chijatav batel jechuke.+ Te chinaki ta takixokol balumil.+ (Sela).   Chbat jsaʼ jnakʼobbail ta anil ti jechuke,ti bu mu staun li tsatsal ikʼe, ti bu mu staun li tsatsal ikʼaloʼe».   Kajval Jeova, akʼo mu xa snaʼ kʼusi tspasik avuʼun xchiʼuk sokesbo ta be li kʼusi snopoj tspasike,*+yuʼun kiloj majbail xchiʼuk saʼkʼop li ta jteklume. 10  Ta kʼakʼal akʼobal te xtal xbatik ta sba smuroaltak li jteklume;oy choplejal xchiʼuk vokolil li ta yute.+ 11  Te oy vokolil ta stojolal;muʼyuk chlaj-o skʼoplal li ilbajinel xchiʼuk loʼlavanej ti bu oy ep krixchanoetike.*+ 12  Yuʼun maʼuk jun kajkontra ti tsaʼun ta kʼope;+ti jaʼuke, stsʼik kuʼun ti jechuke. Yuʼun maʼuk kajkontra ti tal skontrainune;yuʼun xuʼ jnakʼ* jba sventa mu staun ti jechuke. 13  Pe voʼot tal akontrainun, ti koʼol noʼox vinikutike,+ti jchiʼil jbatik ti lek xkojtikinote.+ 14  Ta jkʼupinkutik toʼox ti kamigo tajek jbakutike;koʼol toʼox chibatkutik ta sna Dios xchiʼuk li epal krixchanoetike. 15  ¡Akʼo tsakatikuk yuʼun lajelal li kajkontratake!+ Kuxuluk yalikuk batel ta Mukinal;*yuʼun te oy-o ta stojolalik li kʼusi toj chopole xchiʼuk yakʼoj yibel ta stojolalik. 16  Yan li voʼone xivokolet ta jkʼopon li Diose,vaʼun tskoltaun li Jeovae.+ 17  Ta mal kʼakʼal, ta sob xchiʼuk ta oʼlol kʼakʼal, ta jvul koʼonton xchiʼuk xi-avet ta okʼel,+vaʼun chaʼi li yechʼomal kee.+ 18  Tspojun* lokʼel ta skʼob li buchʼutik tstsakikun ta kʼope xchiʼuk chakʼbun jun oʼontonal,yuʼun toj epik li buchʼutik chtal stsakikun ta kʼope.+ 19  Ta xaʼi li Diose, vaʼun oy kʼusi tspas ta stojolalik sventa tskontrain,+ti jaʼ li buchʼu voʼne xa onoʼox chotol li ta xchotleb sventa ajvalile.+ (Sela). Mu skʼan sjel stalelalikli buchʼutik muʼyuk xiʼtaojik* Diose.+ 20  Li stuke* la stsak ta kʼopli buchʼutik jun toʼox yoʼonton xchiʼuke;+muʼyuk kʼot ta pasel yuʼun li stratoe.+ 21  Toj kʼupil sba yaʼel li kʼusi chlokʼ ta yeike,*+pe naka saʼkʼop oy ta yoʼontonik. Mas to lek kʼuchaʼal aseite li kʼusi chalike,pe xkoʼolaj kʼuchaʼal espada ti lokʼesbil ta snae.+ 22  Akʼbo sbain Jeova li avikatse,+vaʼun jaʼ chikot.+ Mi jaʼuk onoʼox chakʼ yaluk ta lum* li buchʼu tukʼe.+ 23  Yan li voʼote, Dios kuʼun, chavakʼ yalikuk batel ta natil chʼen.+ Li buchʼutik oy smulik ta smalel chʼichʼe xchiʼuk li jloʼlavanejetike ta xchamik kʼalal mu to sta oʼlol xchʼielike.+ Yan li voʼone ta jpat koʼonton ta atojolal.

Tsʼibetik ta yok vun

Kʼelo Glosario, maskil.
O «xchiʼuk mu xanakʼ aba kʼalal ta jpas orasion sventa xakoltaune».
O «ti chinike».
Literal «chʼakbo li yokʼike».
O «li ta chʼivite; li ta kayee».
O «jmuk».
O «Seol», jaʼ xkaltik, li mukinal ta komon yuʼun krixchanoetike. Kʼelo Glosario, mukinal.
Literal «Tsmanun».
Kʼelo Glosario, xiʼtael Dios.
Jaʼ xkaltik, li amigoil ti laj yichʼ albel skʼoplal ta versikulo 13 xchiʼuk 14.
O «Mas to kʼun kʼuchaʼal mantekiya li kʼusi chlokʼ ta yeike».
O «chakʼ ti xtamlajet».