Salmos 48:1-14
Kʼejimol. Skʼejimol xnichʼnabtak Kore.+
48 Toj echʼ noʼox mukʼ li Jeovae xchiʼuk sta-o tajek kʼupil kʼoptaelli ta steklumal Jdiostike, li ta xchʼul vitse.
2 Toj kʼupil sba xchiʼuk toj toyol li vits Sion ta namal nortee,jaʼ li steklumal Mukʼul Ajvalil+ti jaʼ xmuyubaj-o sjunul balumile.+
3 Li ta tsatsal tayal kʼelob osiletik yuʼune,li Diose yakʼoj ta ojtikinel ti jaʼ lekil nakʼobbaile.+
4 Yuʼun stsoboj sbaik* li ajvaliletike;jmoj chanavik batel.
5 Kʼalal laj yilike, chʼayal to kʼot yoʼontonik.
Solel xtʼeleletik* xa ta xiʼel xchiʼuk xiʼem xa jatavik batel.
6 Te tsakatik yuʼun li xiʼele,solel tsots tajek chil svokolik jech kʼuchaʼal jun ants kʼalal yakal ch-alaje.
7 Chalilin li varkoetik ta Tarsis ta skoj li ikʼ chlik tal ta slokʼeb kʼakʼale.
8 Li kʼusi laj kaʼikutike laj kil ta jsat jtukutikta steklumal li Jeova ti jaʼ bankilal yuʼun soltaroetike,* ta steklumal li Jdiostike.
Te vaʼal-o sbatel osil yuʼun li Diose.+ (Sela).
9 Dios kuʼun, ta jnopbekutik lek skʼoplal li tukʼil kʼanelal avuʼun+te ta yut atemploe.
10 Dios kuʼun, li abi xchiʼuk li akʼupil kʼoptaelechkʼot kʼalal to spajeb balumil.+
Nojem ta tukʼilal li abatsʼikʼobe.+
11 Akʼo kuxetuk yoʼonton li vits Sione,+akʼo kuxetuk yoʼonton li bikʼtal lumetik ta* Juda ta skoj ti chachapanvane.+
12 Xanavanik ta spat xokon li Sione; bat joyobtaik;chapik li tayal kʼelob osiletik yuʼune.+
13 Kʼelbeik lek li smuroaltake.*+
Chajik ta kʼelel li tsatsal tayal kʼelob osiletik yuʼunsventa xachapbeik yaʼi li jaykʼol kuxlejal chtale.
14 Yuʼun li Dios liʼe jaʼ Jdiostik+ sbatel osil.
Jaʼ tsbeiltasutik sbatel osil.*+
Tsʼibetik ta yok vun
^ O «xchapoj skʼopik bu tsta sbaik».
^ O «chnikik».
^ Literal «stsebetak».
^ O «li stsatsal muroaltake».
^ O jaʼ van skʼoplal «jaʼ to mi lijchame».
