Salmos 44:1-26

  • Tspas orasion sventa tskʼan koltael

    • «Voʼot la apojunkutik» (7)

    • Xikoʼolajkutik kʼuchaʼal chijetik sventa chichʼ milel (22)

    • «¡Vaʼlan tal kʼuchaʼal jkoltavanej kuʼunkutik!» (26)

Sventa bankilal jtijson. Maskil* yuʼun xnichʼnabtak Kore.+ 44  Dios kuʼun, kaʼioj ta jchikin jtukutik,yalojbunkutik skʼoplal li jmoltotakutik+li kʼusitik la apas kʼalal jaʼo kuxiike,li ta mas xa voʼne tajeke.   Ta akʼob la anuts lokʼel li mukʼtik lumetike+xchiʼuk jaʼ te laj avakʼ nakluk li jmoltotakutike.+ La atsal li mukʼtik lumetike xchiʼuk la anuts lokʼel.+   Maʼuk ta skoj s-espada stukik ti laj yuʼuninik li balumile,+maʼuk ta skoj skʼob stukik ti la spasik kanale.+ Jaʼ ta skoj li abatsʼikʼobe, li avipe+ xchiʼuk li ta xojobal asate,yuʼun mu chʼaybajuk ta avoʼonton laj avaʼi.+   Dios, voʼot Ajvalilot kuʼun;+akʼo tsʼakaluk lek spas kanal ta paskʼop li Jakobe.   Ta ajuʼel ta jnutskutik lokʼel li kajkontrakutike:+ta abi ta juʼilankutik ta tekʼel li buchʼutik tstsakunkutik ta kʼope.+   Yuʼun muʼyuk bu jpatoj koʼonton li ta j-arkoe xchiʼuk mu xuʼ spojun li j-espadae.+   Voʼot la apojunkutik ta stojolal li kajkontrakutike,+voʼot la akʼexlaltas li buchʼutik spʼajojunkutike.   Dios, ta jkʼupil kʼoptaotkutik skotol kʼakʼalxchiʼuk ta jkʼupil kʼoptakutik sbatel osil li abie. (Sela).   Pe li avie, laj xa aviktaunkutik komel xchiʼuk laj xa akʼexlaltasunkutikxchiʼuk muʼyuk chbat achiʼin li kajsoltarotakutike. 10  Jech-o chijatavkutik avuʼun ta stojolal li kajkontrakutike;+li buchʼutik spʼajojunkutike tstsakik batel li kʼusi xal yoʼontonike. 11  Laj avakʼunkutik ta kʼabal sventa xkichʼkutik tiʼel kʼuchaʼal chij;tanpuk libatkutik avuʼun li ta mukʼtik lumetike.+ 12  Yalel tajek chachon batel li ateklumale;+mi jsetʼuk* bu chapas kanal kʼalal chachon batele.* 13  Chavakʼ akʼo slabanunkutik li jlakʼnatakutike,tstseʼintaunkutik xchiʼuk chchopol kʼoptaunkutik skotol li buchʼutik te oy ta jpat jxokonkutike. 14  Chavakʼ akʼo spʼajunkutik li mukʼtik lumetike,+taje sjim-o xa sjolik ta labanvanej li krixchanoetike. 15  Chikʼexav noʼox chkaʼi skotol kʼakʼal xchiʼuk mu xa jnaʼ kʼusi ta jpas yuʼun ta skoj li kʼexlale, 16  ta skoj ti x-avetik noʼox tsaʼikun ta kʼope xchiʼuk ti chchopol kʼoptaikune,ta skoj li kajkontratak ti tspak skʼoplalike. 17  Jaʼ kʼotem ta jtojolalkutik skotol taje; akʼo mi jech, muʼyuk bu jchʼayojotkutik ta jolkutikxchiʼuk muʼyuk bu jsokesojkutik li atratoe.+ 18  Muʼyuk ti yan xa-o bu batem li koʼontonkutike;muʼyuk chkʼejpʼuj* ta abe li jujutekʼ kakankutike. 19  Pe jaʼ te la avochʼunkutik* ti bu nakajtik li teʼtikal tsʼiʼetike;la apixunkutik ta pimil ikʼal* osil. 20  Mi la jchʼay ta jolkutik li sbi Jdioskutikeo mi la jyeʼ batel jkʼobkutik sventa ta jkʼoponkutik yan diose,* 21  ¿mi mu van bu chilunkutik Dios mi jech la jpaskutike? Snaʼoj lek li kʼusi mukul ta koʼontonkutike.+ 22  Voʼot ta akoj ti chkichʼkutik milel skotol kʼakʼale,ti xikoʼolajkutik kʼuchaʼal chijetik sventa chichʼ milele.+ 23  Kajval Jeova, julavan. ¿Kʼu yuʼun ti vayalot-oe?+ ¡Julavan! Mu sbateluk osil xaviktaunkutik komel.+ 24  ¿Kʼu yuʼun ti chanakʼ* asate? ¿Kʼu yuʼun chachʼay ta ajol li jvokolkutik xchiʼuk ti chkichʼkutik utsʼintaele? 25  Yuʼun laj kichʼkutik jipel yalel ta pukuktik;*yalemunkutik xa ta lum ta j-echʼel.+ 26  ¡Vaʼlan tal kʼuchaʼal jkoltavanej kuʼunkutik!+ Pojunkutik* ta skoj li tukʼil kʼanelal avuʼune.+

Tsʼibetik ta yok vun

Kʼelo Glosario, maskil.
O «jutebuk».
O «ti kʼu yepal la atabe stojole».
O «chkʼejev; tstsʼepʼuj».
O «atʼusunkutik».
O «ikʼpulan».
Literal «li dios ti yan-o slumale».
O «chamuk».
O «lumtik».
Literal «Manunkutik lokʼel».